ອິນໂດເນເຊຍ-ສິງກະໂປ ຊຸກຍູ້ການເປີດເສັ້ນທາງບິນ
ວັນທີ 1 ເດືອນທັນວາ, ບໍລິສັດສາຍການບິນແຫ່ງຊາດກາຣູດາ ຂອງອິນໂດເນເຊຍ ໄດ້ເລີ່ມເປີດເສັ້ນທາງບິນໄປຍັງສິງກະໂປ ພາຍໃຕ້ໂຄງການສັນຈອນໄປມາສຳລັບຜູ້ທີ່ສັກວັກຊິນ (VTL) ໂດຍແມ່ນການຮ່ວມມືລະຫວ່າງສອງປະເທດ.
ບໍລິສັດສາຍການບິນກາຣູດາ ຂອງອິນໂດເນເຊຍ ມີ 6 ຖ້ຽວບິນພາຍໃຕ້ໂຄງການ VTL ແຕ່ລະອາທິດຈະບິນ ຈາກາຕາ-ສິງກະໂປ ດ້ວຍເຮືອບິນແອຣບັສ A330-300. ສຳລັບຜູ້ໂດຍສານ ທີ່ສັກວັກຊິນປ້ອງກັນ ໂຄວິດ-19 ຄົບໂດສ ຈຶ່ງສາມາດເດີນທາງໄປສິງກະໂປ ໂດຍບໍ່ຕ້ອງກັກໂຕ.
ທ່ານ ເອີຟານ ຊາປູຕາ ຜູ້ອຳນວຍການສາຍການບິນກາຣູດາ ໃຫ້ຮູ້ວ່າ: ຂໍ້ລີ່ເລີ່ມ VTL ເປັນສັນຍານທີ່ດີບໍ່ພຽງແຕ່ການຟື້ນຟູສາຍການບິນຂອງອິນໂດເນເຊຍ ແລະສິງກະໂປ ຫາກຍັງຟື້ນຟູ ສາຍການບິນທົ່ວໂລກອີກດ້ວຍ. ນອກນີ້ທ່ານ ເອີຟານ ຊາປູຕາ ຍັງກ່າວວ່າ ປະເທດຕ່າງໆໄດ້ເປີດຕ້ອນຮັບນັກທ່ອງທ່ຽວສາກົນພາຍໃຕ້ໂຄງການ VTL ແມ່ນທ່າແຮງໃນການຊຸກຍູ້ສັກວັກຊິນປ້ອງກັນພະຍາດຢູ່ປະເທດດັ່ງກ່າວ.
ເນື້ອໃນ: ຂປລ