leftcenterrightdel
ທ່ານ ຫງວຽນຊວນຟຸກ ປະທານປະເທດຫວຽດນາມ. ພາບ: ສໍານັກຂ່າວສານຫວຽດນາມ

ໃນບົດຂຽນລົງວັນທີ 24 ພະຈິກ, ສໍານັກຂ່າວສານ Sputnik ເນັ້ນໜັກເຖິງການຢ້ຽມຢາມສະຫະພັນລັດເຊຍ ຢ່າງເປັນທາງການຂອງທ່ານ ຫງວຽນຊວນຟຸກ ປະທານປະເທດຫວຽດນາມ ໃນໄລຍະຈະມາເຖິງຕາມຄຳເຊີນຂອງທ່ານປະທານາທິບໍດີ Vladimir Putin ສະແດງໃຫ້ເຫັນວ່າ ຫວຽດນາມ ບູລິມະສິດເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ. ບົດຂຽນຊີ້ແຈ້ງວ່າ ເປັນຄັ້ງທຳອິດທີ່ທ່ານປະທານປະເທດ ຫງວຽນຊວນຟຸກ ມາຢ້ຽມຢາມລັດເຊຍ ຢ່າງເປັນທາງການໃນຖານະຕຳແໜ່ງໃໝ່. ຕາມບົດຂຽນແລ້ວ, ການຢ້ຽມຢາມດຳເນີນໄປໃນສະພາບທີ່ການພົວພັນມິດຕະພາບທີ່ເປັນມູນເຊື້ອ ແລະການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ລັດເຊຍ ໃນໄລຍະຜ່ານມາ ສືບຕໍ່ພັດທະນາຢ່າງດີງາມໃນຫຼາຍຂົງເຂດ. ບົດຂຽນເນັ້ນໜັກວ່າ  “ການຢ້ຽມຢາມລັດເຊຍ ຄັ້ງນີ້ຂອງທ່ານປະທານປະເທດ ຫງວຽນຊວນຟຸກ ຈະແມ່ນບາດກ້າວບຸກທະລຸໃໝ່ໃຫ້ແກ່ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ, ນຳມາເຊິ່ງຜົນປະໂຫຍດຫຼາຍຢ່າງໃຫ້ແກ່ປະຊາຊົນຫວຽດນາມ ແລະສະຫະພັນລັດເຊຍ”.

ໂດຍ: ທະນາພອນ