ຕາມແຫຼ່ງຂ່າວສິງກະໂປ, ວັນທີ 14 ພຶດສະພາ, ສິງກະໂປ ປະກາດໃຊ້ມາດຕະການເພື່ອຄວບຄຸມການລວມຕົວຂອງປະຊາຊົນ ແລະກິດຈະກຳໃນສາທາລະນະ ຊຶ່ງເປັນການເຂັ້ມງວດຫລາຍທີ່ສຸດນັບຕັ້ງແຕ່ຫລຸດຜ່ອນມາດຕະການລອກດາວເມື່ອປີກາຍນີ້, ໃນຂະນະທີ່ພົບຍອດຈຳນວນຜູ້ຕິດເຊື້ອພະຍາດໂຄວິດ-19 ພາຍໃນປະເທດເພີ່ມສູງຂຶ້ນຈາກການແຜ່ລະບາດເປັນກຸ່ມກ້ອນໃນໄລຍະບໍ່ເທົ່າໃດອາທິດຜ່ານມາ. ກະຊວງສາທາລະນະສຸກສິງກະໂປ ປະກາດວ່າ: ຕ້ອງໃຊ້ມາດຕະການຄັ້ງໃໝ່ລວມເຖິງຄຳສັ່ງຈຳກັດການຮ່ວມຕົວຂອງປະຊາຊົນບໍ່ໃຫ້ເກີນ 2 ຄົນ ແລະຫ້າມນັ່ງຮັບປະທານອາຫານໃນຮ້ານ ໂດຍຈະມີຜົນບັງຄັບໃຊ້ນັບແຕ່ວັນທີ 16 ພຶດສະພານີ້ ໄປຈົນເຖິງກາງເດືອນມິຖຸນາ. ນອກຈາກນີ້, ມາດຕະການດັ່ງກ່າວຈະເຮັດໃຫ້ປະຊາຊົນຕ້ອງເຮັດວຽກຢູ່ບ້ານ ແລະທາງການ ສິງກະໂປ ຈະທົບທວນການໃຊ້ມາດຕະການຕ່າງໆໃນອີກ 2 ອາທິດ ແລະອື່ນໆ.
ເນື້ອໃນ: ຂປລ
Type the code from the image