ສະພາບການພະຍາດໂຄວິດ - 19 ຢູ່ ຫວຽດນາມ ແລະໃນໂລກ
ນັບແຕ່ເວລາ 18 ໂມງຂອງວັນທີ 12 ເມສາ ຫາ 6 ໂມງຂອງວັນທີ 13 ເມສາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 2 ຄົນ ຢູ່ນະຄອນໂຮ່ຈີມິນ ຊຶ່ງໄດ້ຮັບການແຍກຕົວຢ່າງທັນທີພາຍຫຼັງເຂົ້າເມືອງ. ປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ສະສົມທັງໝົດ 2.707 ຄົນ, ມີ 2.445 ຄົນ ໄດ້ຮັບການປິ່ນປົວຫາຍດີເປັນປົກກະຕິ ແລະ 35 ຄົນເສຍຊີວິດ. ໄລ່ຮອດເວລາ 16 ໂມງຂອງວັນທີ 12 ເມສາ, ທົ່ວປະເທດມີ 59.000 ຄົນ ໄດ້ຮັບການສັກວັກຊິນກັນໂຄວິດ - 19 ຢູ່ 19 ແຂວງ.
ສ່ວນໃນໂລກ, ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 8 ໂມງຂອງວັນທີ 13 ເມສາ (ຕາມເວລາ UTC), ໂລກຢັ້ງຢຶນມີຜູ້ຕິດເຊື້ອພະຍາດໂຄວິດ-19 ກ່ວາ 137,2 ລ້ານຄົນ, ໃນນັ້ນມີເກືອບ 2,96 ລ້ານຄົນເສຍຊີວິດ. ປະເທດຖືກຜົນກະທົບຢ່າງໜັກໜ່ວງທີ່ສຸດຍັງຄົງແມ່ນ ອາເມລິກາ ດ້ວຍຈຳນວນຜູ້ຕິດເຊື້ອພະຍາດໂຄວິດ-19 ເກືອບ 32 ລ້ານຄົນ, ໃນນັ້ນມີ ຜູ້ເສຍຊີວິດກ່ວາ 576.000 ຄົນ, ຖັດຈາກນັ້ນ ແມ່ນ ອິນເດຍ ແລະ ບຣາຊິນ.
ແຫຼ່ງຄັດຈາກ: vovworld.vn