ເອຢິບ ຢັ້ງຢືນກຽມພ້ອມການໜູນຊ່ວຍຊຸກຍູ້ AfCFTA
ວັນທີ 17 ມັງກອນ, ທ່ານ ປະທານາທິບໍດີ ເອຢິບ Abdel-Fattah El-Sisi ໄດ້ຢັ້ງຢືນວ່າ ເອຢິບ ກຽມພ້ອມການໜູນຊ່ວຍດ້ານວິຊາສະເພາະ ເພື່ອຊ່ວຍຊຸກຍູ້ເຂດການຄ້າເສລີທະວີບອາບຟຼິກກາ (AfCFTA).
ຖະແຫຼງການຂອງການນຳເອຢິບ ໄດ້ຍົກອອກມາໃນຂອບເຂດການຕ້ອນຮັບທ່ານ Wamkele Mene ເລຂາທິການໃຫຍ່ AfCFTA ທີ່ພວມຢ້ຽມຢາມ ກາຍໂຣ ເພື່ອແນໃສ່ແລກປ່ຽນກ່ຽວກັບຂໍ້ຕົກລົງທາງການຄ້າທີ່ມີຄວາມສາມາດບົ່ມຊ້ອນນີ້.
ບັນດາປະເທດ ອາບຟຼິກກາ ໄດ້ເລີ່ມປະຕິບັດສັນຍາ AfCFTA ຢ່າງເປັນທາງການນັບແຕ່ວັນທີ 1 ມັງກອນ 2021, ພາຍຫຼັງຖືກຢຸດສະງັກມາເປັນເວລາຫຼາຍເດືອນຍ້ອນພະຍາດໂຄວິດ - 19. ຕາມສະຫະພາບ ອາບຟຼິກກາ (AU) ແລ້ວ, ເມື່ອເຂົ້າຮ່ວມການເຄື່ອນໄຫວຢ່າງຄົບຖ້ວນ, AfCFTA ຈະແມ່ນເຂດການຄ້າເສລີໃຫຍ່ທີ່ສຸດໃນໂລກ, ທີ່ມີຈຳນວນປະຊາກອນ 1,3 ຕື້ຄົນ ແລະຍອດມູນຄ່າຜະລິດຕະພັນພາຍໃນປະເທດ (GDP) ຂຶ້ນເຖິງ 3.400 ຕື້ໂດລາສະຫະລັດ.
ແຫຼ່ງຄັດຈາກ: vovworld.vn