ອາຣັບບິ ຊາອຸດິ ຕີລາຄາສູງໝາກຜົນຂອງກອງປະຊຸມສຸດຍອດ G20
ສິ້ນສຸດກອງປະຊຸມ, ເຈົ້າໜ້າທີ່ ອາຣັບບິ ຊາອຸດິ ໄດ້ມອບຕຳແໜ່ງປະທານໝູນວຽນ G20 ໃຫ້ແກ່ ອີຕາລີ ໂດຍເປັນປະເທດເຈົ້າພາບຈັດຕັ້ງກອງປະຊຸມສຸດຍອດຂອງກຸ່ມນີ້ໃນປີ 2021.
    |
 |
|
ທ່ານ Salman bin Abdulaziz ເຈົ້າຊີວິດ ອາຣັບບິ ຊາອຸດິ ກ່າວຄຳເຫັນທີ່ກອງປະຊຸມສຸດຍອດ G20 ໂດຍໄດ້ຈັດຕັ້ງທາງອອນລາຍໃນວັນທີ 21 ພະຈິກ 2020. ພາບ: AFP/ສໍານັກຂ່າວສານຫວຽດນາມ. |
ວັນທີ 21 ພະຈິກ, ທ່ານ Salman bin Abdulaziz ເຈົ້າຊີວິດ ອາຣັບບິ ຊາອຸດິ ໄດ້ຢັ້ງຢືນວ່າ ບັນດາປະເທດໃນກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນຂຶ້ນ (G20) ໄດ້ສົ່ງສານກ່ຽວກັບຄວາມຫວັງ ແລະ ຄວາມປອດໄພໄປຍັງປະຊາຄົມໂລກສຳເລັດ.
ກ່າວຄຳເຫັນອັດກອງປະຊຸມສຸດຍອດ G20, ເຈົ້າຊີວິດ ອາຣັບບິ ຊາອຸດິ ໃຫ້ຮູ້ວ່າ ບັນດາປະເທດ G20 ໄດ້ໃຫ້ຄຳໝັ້ນສັນຍາຈະຮ່ວມມືກັນເພື່ອຮັບມືກັບໂລກລະບາດໂຄວິດ - 19 ແລະ ປົກປ້ອງຊີວິດການເປັນຢູ່ ແລະ ການຫາລ້ຽງຊີບຂອງປະຊາຊົນ. G20 ຈະມານະພະຍາຍາມສ້າງພື້ນຖານເພື່ອບັນລຸໄດ້ກາລະໂອກາດໃຫ້ແກ່ປະຊາຊົນໝົດທຸກຄົນຜ່ານການມອບສິດໃຫ້ແກ່ປະຊາຊົນ. ເຈົ້າຊີວິດ ຢັ້ງຢືນວ່າ ໃນຖານະອັນພິເສດຂອງຕົນໃນພາກພື້ນ ແລະ ສາກົນ, ອາຣັບບິ ຊາອຸດິດ ຈະສືບຕໍ່ສວມບົດບາດສຳຄັນໃນ G20 ເພື່ອບັນລຸໄດ້ການຮ່ວມມືທົ່ວໂລກ ແລະ ຊອກຫາວິທີການແກ້ໄຂໃຫ້ແກ່ບັນດາສິ່ງທ້າທາຍຮີບດ່ວນທີ່ສຸດຂອງໂລກ.
ສິ້ນສຸດກອງປະຊຸມ, ເຈົ້າໜ້າທີ່ ອາຣັບບິ ຊາອຸດິ ໄດ້ມອບຕຳແໜ່ງປະທານໝູນວຽນ G20 ໃຫ້ແກ່ ອີຕາລີ ໂດຍເປັນປະເທດເຈົ້າພາບຈັດຕັ້ງກອງປະຊຸມສຸດຍອດຂອງກຸ່ມນີ້ໃນປີ 2021.
ແຫຼ່ງຄັດຈາກ: vovworld.vn