ຕາມຂ່າວຈາກ ວໍຊີງຕັນ, ວັນທີ 18 ພະຈິກນີ້, ສຳນັກງານ ອາຫານ ແລະ ຢາ ສ.ອາເມລິກາ (FDA) ອະນຸມັດໃຫ້ໃຊ້ຊຸດກວດຫາເຊື້ອໂຄວິດ-19 ດ້ວຍຕົວເອງຢູ່ເຮືອນເປັນຄັ້ງທຳອິດ ແລະໃຫ້ຜົນກວດໄວ້ຕາມມາດຕະການຮັບມືກັບການແຜ່ລະບາດໃນຄັ້ງນີ້ ເປັນຊຸດກວດລູຊີຣາ ແບບອໍລອິນວັນ (Lucira COVID-19 All-In-One Test Kit) ເປັນຊຸດກວດໂມເລກຸນແບບໃຊ້ຄັ້ງດຽວ ເພື່ອກວດຫາເຊື້ອພະຍາດຢູ່ເຮືອນ ໂດຍໃຫ້ບຸກຄະລາກອນທາງການແພດ ເກັບຕົວຢ່າງຈາກພົງດັງຂອງຜູ້ມີອາຍຸ 14 ປີຂຶ້ນໄປ ທີ່ຕ້ອງສົງໄສຕິດເຊື້ອ ສ່ວນຜູ້ທີ່ມີອາຍຸຕ່ຳກວ່າ 14 ປີ ໃຫ້ບຸກຄະລາກອນທາງການແພດ ເກັບຕົວຢ່າງ ໄດ້ຕາມຈຸດກວດ ເທົ່ານັ້ນ ເຊັ່ນ ໂຮງໝໍເອກະຊົນ (ຄລີນິກ), ໂຮງໝໍ ສູນເບິ່ງແຍງສຸກເສີນ, ຫ້ອງສຸກເສີນ.
ຂະນະນີ້ ອະນຸຍາດໃຫ້ໃຊ້ຊຸດກວດນີ້ ໂດຍຕ້ອງມີໃບສັ່ງແພດເທົ່ານັ້ນ. ສ່ວນວີທີກວດ ເຮັດໄດ້ງ່າຍໆດ້ວຍການນຳຕົວຢ່າງ ທີ່ເກັບເອງຈາກພົງດັງ ໄປແກວ່ງໃນຫລອດແກ້ວນ້ອຍໆ ແລ້ວສຽບເຂົ້າໄປໃນຊຸດກວດ ຈະມີໄຟສະແດງຜົນພາຍໃນ 30 ນາທີວ່າ ຜົນກວດເປັນບວກ ຫລື ລົບ ຖ້າຫາກເປັນບວກ ສະແດງວ່າ ມີເຊື້ອໂຄວິດ-19.
ເນື້ອໃນ: ຂປລ
Type the code from the image