ອັງກິດ, ອີຢູ ເຊື່ອມຕໍ່ການເຈລະຈາຄືນໃໝ່ເພື່ອແນໃສ່ບັນລຸໄດ້ຂໍ້ຕົກລົງດ້ານການຄ້າ
ວັນທີ 22 ຕຸລາ, ອັງກິດ ແລະອີຢູ ເລີ່ມກ້າວເຂົ້າສູ່ໄລຍະ “ເພີ່ມຄວາມໄວ” ເຈລະຈາຂໍ້ຕົກລົງດ້ານການຄ້າຫຼັງ Brexit ພາຍຫຼັງລອນດອນ ຕົກລົງກັບຄືນສູ່ການເຈລະຈາ.
ບາດກ້າວກະໂດດຂັ້ນນີ້ຖືກດຳເນີນພາຍຫຼັງທ່ານ Michel Barnier ຫົວໜ້າຄະນະເຈລະຈາອີຢູ ໄດ້ໂອ້ລົມຜ່ານທາງໂທລະສັບກັບຄູ່ຕຳແໜ່ງຂອງຝ່າຍອັງກິດ ທ່ານ David Frost ແລະສອງຝ່າຍເຫັນດີເປັນເອກະພາບເຊື່ອມຕໍ່ບັນດາການເຈລະຈາໂດຍກົງ.
|
|
ທ່ານ Michel Barnier ຫົວໜ້າຄະນະເຈລະຈາອີຢູ. ພາບ: AFP. |
ທ່ານ Michel Barnier ແລະທ່ານ David Frost ເຫັນດີຕໍ່ແຜນການເຊິ່ງລວມມີ 10 ຂໍ້ສຳລັບວິວັດການເຈລະຈາຢູ່ໄລຍະສຸດທ້າຍ, ເຊິ່ງຈະດຳເນີນກອງປະຊຸມນັບທັງຊຸມວັນທ້າຍອາທິດ ແລະສ້າງຕັ້ງອະນຸກຳມະການເລຂາຮ່ວມເພື່ອຮັບປະກັນວ່າຈະບັນລຸໄດ້ເນື້ອໃນທີ່ຈຸດສຸມ.
ໃນເຫດການທີ່ກ່ຽວຂ້ອງ, ວັນທີ 21 ຕຸລາ, ວົງການເຈົ້າໜ້າທີ່ສະຫະພາບເອີຣົບ (ອີຢູ) ໃຫ້ຮູ້ວ່າ ອັງກິດ ໄດ້ປະກາດຢ່າງເປັນທາງການກ່ຽວກັບເຈດຈຳນົງບໍ່ເຂົ້າຮ່ວມບັນດາພາລະກຳການທະຫານຂອງກຸ່ມໃນທ້າຍປີນີ້.
ແຫຼ່ງຄັດຈາກ: vovworld.vn