ເວັບໄຊໜັງສືພິມ Japan Times ລາຍງານວ່າ: ເມື່ອບໍ່ດົນມານີ້ຄະນະນັກວິທະຍາສາດຊີວະວິທະຍາໃນຍີ່ປຸ່ນ ປະສົບຄວາມສຳເລັດໃນການພັດທະນາແນວພັນເຂົ້າສາຍພັນໃໝ່ໂດຍຜ່ານການປັບປຸງພັນທຸກຳ (gene) ໃນຄວາມພະຍາຍາມເພີ່ມຜົນຜະລິດເຂົ້າທີ່ປູກໃນດິນເຄັມຫລືນາເກືອເພື່ອກ້າວໄປສູ່ການພັດທະນາແນວພັນເຂົ້າສາຍພັນໃໝ່ເພີ່ມອີກ ໃນຕໍ່ໜ້າທ່າມກາງຄວາມສ່ຽງເກີດຄວາມເສຍຫາຍຫລາຍຂຶ້ນຈາກດິນເຄັມອັນເປັນຜົນຈາກລະດັບນ້ຳທະເລສູງຂຶ້ນ ແລະພາຍຸໄຕ້ຝຸ່ນເນື່ອງຈາກສະພາວະໂລກຮ້ອນ. ຂະນະທີ່ນ້ຳເຄັມຈະສ້າງຄວາມເສຍຫາຍໃຫ້ແກ່ພື້ນດິນປູກຝັງທີ່ມີທົ່ວໂລກປະມານເຄິ່ງໜຶ່ງພາຍໃນປີ 2050 ໂດຍພື້ນທີ່ຕາມແຄມຝັ່ງຂອງ ຍີ່ປຸ່ນ ແລະອີກຫລາຍປະເທດລວມທັງ ບັງກລາເທດ ແລະຫວຽດນາມ ພວມຜະເຊີນກັບຄວາມທ້າທາຍນີ້ແລ້ວ. ຈາກນັ້ນທ່ານ ຢູຊາກຸ ອຸງະ ຫົວໜ້າໜ່ວຍນັກວິທະຍາສາດຂອງອົງການວິໄຈອາຫານ ແລະກະສິກຳແຫ່ງຊາດຍີ່ປຸ່ນ ຫລື ນາໂຟຣ ກ່າວວ່າ: ການປັບປຸງຢີນເຮັດໃຫ້ສາມາດອອກແບບການເຕີບໂຕຂອງຮາກເຂົ້າເພື່ອໃຫ້ເໝາະກັບສະພາບຂອງແນວພັນເຂົ້າຫລັງຈາກກວດພົບໃນແນວພັນເຂົ້າໜຶ່ງຂອງ ອິນໂດເນເຊຍ ເຊິ່ງຮາກຈະເຕີບໂຕເປັນແນວນອນຕາມໜ້າດິນ.
ເນື້ອໃນ: ຂປລ
Type the code from the image