ອີຣານ ບໍ່ອັດ “ປະຕູການເຈລະຈາ” ກັບອີຢູ ກ່ຽວກັບຂໍ້ຕົກລົງນິວເຄຼຍ
ກປ.ອອນໄລ - ໜັງສືພິມ Tehran Times ໃຫ້ຂ່າວວ່າ, ໃນການພົບປະກັບທ່ານ Stef Blok ລັດຖະມົນຕີການຕ່າງປະເທດໂຮນລັງ ຢູ່ນະຄອນຫຼວງເຕເຮຣານ ໃນວັນທີ 22 ກຸມພາ 2020, ທ່ານ Hassan Rouhani ປະທານາທິບໍດີອີຣານ ປະກາດວ່າ ປະເທດນີ້ບໍ່ອັດ “ປະຕູການເຈລະຈາ” ກັບສະຫະພາບເອີລົບ ທີ່ກ່ຽວຂ້ອງເຖິງຂໍ້ຕົກລົງນິວເຄຼຍທີ່ມີຊື່ວ່າແຜນການກະທໍາລວມຮອບດ້ານ (JCPOA).
    |
 |
|
ທ່ານ Hassan Rouhani ປະທານາທິບໍດີອີຣານ ກ່າວຄໍາເຫັນທີ່ການປະຊຸມຂ່າວຢູ່ເຕເຮຣານ ໃນວັນທີ 16 ກຸມພາ 2020. ພາບ: ສໍານັກຂ່າວສານຫວຽດນາມ |
ທ່ານປະທານາທິບໍດີອີຣານ ຖືວ່ານັບແຕ່ເມື່ອອາເມລິກາ ຖອນຕົວອອກຈາກ JCPOA, ໜ້າເສຍດາຍແມ່ນອີຢູ ບໍ່ມີບັນດາບາດກ້າວເດີ່ນທີ່ມີປະສິດທິຜົນສອດຄ່ອງກັບບັນດາຄໍາໝັ້ນສັນຍາຂອງກຸ່ມນີ້ຕາມ JCPOA. ທ່ານ Hassan Rouhani ເນັ້ນໜັ້ກວ່າ “ນະໂຍບາຍພົວພັນຕ່າງປະເທດຂອງອີຣານ ອີງໃສ່ການຮ່ວມມືທີ່ມີລັກສະນະສ້າງສັນກັບບັນດາປະເທດ ແລະພວກຂ້າພະເຈົ້າ ປາດຖະໜາວ່າມີການພົວພັນກັບອີຢູ ອົບອຸ່ນກວ່າ”.
ສ່ວນທ່ານ Stef Blok ຢັ້ງຢືນວ່າ ໂຮນລັງ ຈະມານະພະຍາຍາມເພື່ອໜູນຊ່ວຍຮັກສາ JCPOA, ພ້ອມທັງເນັ້ນໜັກເຖິງຄວາມສໍາຄັນຂອງການເຈລະຈາ, ຖືວ່ານີ້ແມ່ນມາດຕະການເພື່ອແກ້ໄຂບັນດາບັນຫາທີ່ຍັງຄົງຂ້າງ.
ໂດຍ: ໄຊຊະນະ