ເດືອນ ມັງກອນ ປີ 2019, ນັກທ່ອງທ່ຽວສາກົນມາຫວຽດນາມ ບັນລຸໄດ້ກວ່າ 1,5 ລ້ານເທື່ອຄົນ
ກປ.ອອນໄລ - ຕາມຂໍ້ມູນທາງການໂດຍກົມໃຫຍ່ສະຖິຕິປະກາດໃນວັນທີ 29 ມັງກອນ, ຈໍານວນນັກທ່ອງທ່ຽວສາກົນມາຫວຽດນາມ ໃນເດືອນ ມັງກອນ ປີ 2019 ບັນລຸໄດ້ 1.501.766 ເທື່ອຄົນ, ເພີ່ມຂຶ້ນ 9,3% ເມື່ອທຽບໃສ່ ເດືອນ ທັນວາ ປີ 2018 ແລະເພີ່ມຂຶ້ນ 5% ເມື່ອທຽບໃສ່ໄລຍະດຽວກັນປີ 2018.
    |
 |
|
ນັກທ່ອງທ່ຽວສາກົນກວ່າ 1,5 ລ້ານເທື່ອຄົນມາຫວຽດນາມໃນເດືອນ ມັງກອນ ປີ 2019. ພາບ: qdnd.vn. |
ໃນນັ້ນ, ຈໍານວນນັກທ່ອງທ່ຽວເຂົ້າມາຫວຽດນາມ ດ້ວຍທາງອາກາດບັນລຸໄດ້ກວ່າ 1 ລ້ານເທື່ອຄົນ, ກວມເອົາ 77,7% (ເພີ່ມຂຶ້ນ 1,4% ເມື່ອທຽບໃສ່ເດືອນມັງກອນ ປີ 2018); ນັກທ່ອງທ່ຽວເຂົ້າມາດ້ວຍທາງທະເລບັນລຸໄດ້ກວ່າ 24.000 ເທື່ອຄົນ, ກວມເອົາ 1,6% (ຫຼຸດ 30,5% ເມື່ອທຽບໃສ່ເດືອນມັງກອນ ປີ 2018); ນັກທ່ອງທ່ຽວເຂົ້າມາດ້ວຍທາງບົກບັນລຸໄດ້ 310.000 ເທື່ອຄົນ, ກວມເອົາ 20,7% (ເພີ່ມຂຶ້ນ 26,9% ເມື່ອທຽບໃສ່ເດືອນມັງກອນ ປີ 2018).
ນອກຈາກນັ້ນ, ຄາດຄະເນວ່າຈໍານວນນັກທ່ອງທ່ຽວພາຍໃນປະເທດໃນເດືອນ ມັງກອນ ປິ 2019 ບັນລຸ 6,6 ລ້ານເທື່ອຄົນ; ລາຍຮັບທັງໝົດຈາກນັກທ່ອງທ່ຽວບັນລຸ 56.500 ຕື້ດົ່ງ, ເພີ່ມຂຶ້ນ 6,6% ເມື່ອທຽບໃສ່ເດືອນມັງກອນ ປີ 2018.
ໂດຍ: ຈາງຫງວຽນ