ການນໍາສະຖານທູດຫວຽດນາມ ປະຈໍາ ລາວ ລະດົມກໍາລັງໃຈທີມຊາດຫວຽດນາມ
ກປ.ອອນໄລ - ການນໍາສະຖານທູດຫວຽດນາມ ປະຈໍາ ລາວ ໄດ້ມີການພົບປະ ແລະລະດົມກໍາລັງໃຈບັນດາສະມາຊິກທີມຊາດຫວຽດນາມ ກ່ອນການແຂ່ງຂັນບານເຕະສາຍ B AFF Mitsubishi Electric Cup 2022.
ຕາງໜ້າການນໍາສະຖານທູດຫວຽດນາມ ປະຈໍາ ລາວ, ທ່ານ ຟານມິງຈ໊ຽນ ອຸປະທູດຊົ່ວຄາວສະຖານທູດຫວຽດນາມ ໄດ້ຊົມເຊີຍທີມຊາດຫວຽດນາມ ໄດ້ມີໜ້າຢູ່ລາວເພື່ອກະກຽມໃຫ້ການແຂ່ງຂັນນັດທໍາອິດ, ສາຍ B AFF Mitsubishi Electric Cup 2022.
|
|
ນັກເຕະທີມຊາດຫວຽດນາມ ໃນການຝຶກແອບວັນທີ 19 ທັນວາ. ພາບ: VFF |
ທ່ານ ຟານມິງຈ໊ຽນ ໃຫ້ຮູ້ວ່າ ສະຖານທູດຫວຽດນາມ ປະຈໍາ ລາວ ພ້ອມດ້ວຍຊາວຫວຽດນາມ ພວມດໍາລົງຊີວິດ ແລະເຮັດວຽກຢູ່ລາວ ມີຄວາມພາກພູມໃຈເມື່ອຮັບຂ່າວວ່າທີມຊາດຫວຽດນາມ ຈະມາລາວແຂ່ງຂັນບານເຕະຊີງຂັນອາຊີຕາເວັນອອກສ່ຽງໃຕ້ຢ່າງເປັນທາງການ. ນີ້ແມ່ນເຫດການບານເຕະທີ່ໃຫຍ່ສໍາລັບແຟນບານຫວຽດນາມ ຢູ່ລາວ ສະນັ້ນແນວແນ່ວ່າ ການແຂ່ງຂັນບານເຕະໃນວັນທີ 21 ທັນວາ ຈະມາເຖິງຈະມີແຟນບານຫວຽດນາມ ເປັນຈຳນວນຫຼວງຫຼາຍມາຊົມແລະລະດົມກຳລັງໃຈຄູຝຶກ Park Hang-seo ແລະບັນດານັກເຕະທີມຊາດຫວຽດນາມ.
ຕາງໜ້າທີມຊາດຫວຽດນາມ, ຄູຝຶກ Park Hang-seo ໄດ້ຂອບໃຈສະຖານທູດຫວຽດນາມ ປະຈໍາ ລາວ ໄດ້ເອົາໃຈໃສ່ ແລະລະດົມກໍາລັງໃຈໃຫ້ທີມຊາດ, ນັ້ນແມ່ນກໍາລັງໜູນເພື່ອໃຫ້ທີມແຂ່ງຂັນຍາດໄດ້ຜົນງານສູງສຸດ.
ຫົວໜ້າທີມຊາດ ໂດ໊ຮຸ່ງຢຸງ ແບ່ງປັນວ່າ: ທີ່ການແຂ່ງຂັນ AFF Cup 2018, ທີມຊາດຫວຽດນາມ ກໍ່ແຂ່ງຂັນນັດທໍາອິດກັບທີມຊາດລາວ ຫຼັງຈາກນັ້ນຄວ້າແຊ້ມ. ການແຂ່ງຂັນ AFF Cup ຄັ້ງນີ້, ທີມຊາດຫວຽດນາມ ຫວັງວ່າ ຈະສ້າງຜົນງານຄືນໃໝ່ເພື່ອມອບໃຫ້ແຟນບານຫວຽດນາມ ທັງຢູ່ພາຍໃນ ແລະຕ່າງປະເທດ”.
ການແຂ່ງຂັນເຕະບານລະຫວ່າງທີມຊາດຫວຽດນາມ ແລະລາວ ຈະດໍາເນີນໃນເວລາ 19 ໂມງ 30 ນາທີ ວັນທີ 21 ທັນວາ ຢູ່ສະໜາມກິລາແຫ່ງຊາດລາວ.
ໂດຍ: ໄຊນີດາ