ຮັບຮອງເອົາກົດລະບຽບ ຈັດຕັ້ງ SEA Games 31 ແລະ ASEAN Para Games 11
ກປ.ອອນໄລ - ຕອນບ່າຍວັນທີ 20 ພະຈິກ, ຢູ່ຮ່າໂນ້ຍ, ສະພາສະຫະພັນກິລາອາຊີຕາເວັນອອກສ່ຽງໃຕ້ ໄດ້ມີການເຮັດວຽກສິ້ນສຸດບັນດາກອງປະຊຸມທາງໄກທີ່ກ່ຽວຂ້ອງເຖິງວຽກງານຈັດຕັ້ງ SEA Games 31 ແລະ ASEAN Para Games 11 ຢູ່ຫວຽດນາມ. ທ່ານ ຫງວຽນງອັກທ້ຽນ ລັດຖະມົນຕີກະຊວງວັດທະນະທຳ, ກິລາ ແລະທ່ອງທ່ຽວຫວຽດນາມ, ປະທານຄະນະກໍາມະການໂອແລມປິກຫວຽດນາມ ເຂົ້າຮ່ວມ ແລະເປັນປະທານການເຮັດວຽກ.
ທີ່ການເຮັດວຽກ, ທ່ານ ເຈິ່ນດຶ໊ກເຟິ໊ນ ຮອງຫົວໜ້າກົມໃຫຍ່ຮັບຜິດຊອບກົມໃຫຍ່ກິລາກາຍຍະກຳ ໄດ້ລາຍງານແຜນການຈັດຕັ້ງ, ວຽກງານກະກຽມຂອງປະເທດເຈົ້າພາບຫວຽດນາມ, ແນະນໍາສັດມົງຄຸນຊາວລາ ແລະໂລໂກ SEA Games 31 ກໍ່ຄືບັນດາສະຖານທີ່ດໍາເນີນການແຂ່ງຂັນ. ເຈົ້າພາບ SEA Games 31 ຈະຈັດຕັ້ງ 36 ປະເພດກິລາຢ່າງເປັນທາງການ ແລະ 4 ປະເພດ ກິລາ ເຊິ່ງບັນດາປະເທດສະເໜີຫຼາຍທີ່ສຸດ, ລວມມີ: Esport, 3 ປະເພດກິລາສົມທົບ, Jujitsu, Bowling.
    |
 |
|
ບັນຍາກາດທີ່ກອງປະຊຸມ. ພາບ: qdnd.vn. |
ຜ່ານການເຮັດວຽກເປັນເວລາ 2 ວັນ, ສະຫະພັນກິລາອາຊີຕາເວັນອອກສ່ຽງໃຕ້ ໄດ້ຮັບຮອງເອົາກົດລະບຽບ ແລະບົດລາຍງານຂອງບັນດາອະນຸກໍາມະການ, ລວມມີ: ກິລາ ແລະກົດໝາຍ, ສາທາລະນະສຸກ, ແມ່ຍິງ. ກອງປະຊຸມກໍ່ໄດ້ຮັບຟັງແຜນການຈັດຕັ້ງ SEA Games 31 ຢູ່ຫວຽດນາມ ກໍ່ຄືແຜນການ SEA Games 32 ຂອງກໍາປູເຈຍ. ໃນເດືອນມີນາ 2021, ກອງປະຊຸມຫົວໜ້າຄະນະ ຄັ້ງທີ 1 ຂອງ SEA Games 31 ຈະໄດ້ຮັບການຈັດຕັ້ງ.
ໂດຍ: ເຈິ່ນຮວ່ຽນ