ໄຂກອງປະຊຸມທາງໄກສະຫະພັນກິລາອາຊຽນ
ກປ.ອອນໄລ - ວັນທີ 21 ກໍລະກົດ, ທີ່ຮ່າໂນ້ຍ, ກອງປະຊຸມທາງໄກສະຫະພັນກິລາອາຊຽນ (SEAGF) ຄັ້ງທີ 1 ປີ 2020 ໄດ້ໄຂຂຶ້ນຢ່າງເປັນທາງການ. ເຂົ້າຮ່ວມກອງປະຊຸມມີຜູ້ແທນທັງຢູ່ພາຍໃນ ແລະຕ່າງປະເທດຈໍານວນ 100 ກວ່າຄົນ.
    |
 |
|
ບັນຍາກາດທີ່ກອງປະຊຸມທາງໄກ. ພາບ: ດັງຮຸຍ. |
ທີ່ກອງປະຊຸມ, ຜູ້ແທນບັນດາປະເທດໄດ້ປະກອບຄໍາເຫັນທີ່ກ່ຽວຂ້ອງເຖິງການນໍາເອົາບາງປະເພດກິລາໃໝ່, ຄື: Jujitsu, bowling, e-sport, modern pentathlon, triathlon, teqball, sof Tennis... ເຂົ້າໃນກົດບັດຂອງ SEAGF. ຄະນະກໍາມະການ Olympic ຫວຽດນາມ ໄດ້ສະເໜີໃຫ້ນໍາເອົາປະເພດກິລາມວຍພື້ນເມືອງເຂົ້າໃນກົດບັດຂອງ SEAGF.
|
|
 |
|
ທ່ານ ຫງວຽນງອັກທ້ຽນ ລັດຖະມົນຕີກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ຮັບທຸງຊີເກມ. ພາບ: ຈ້ອງຫາຍ. |
ທີ່ການເຮັດວຽກ, ຄະນະກໍາມະການກິລາ ແລະກົດໝາຍຫວຽດນາມ ໄດ້ປະກາດຂໍ້ມູນລະອຽດທີ່ກ່ຽວຂ້ອງເຖິງວຽກງານກະກຽມໃຫ້ແກ່ຊີເກມ 31. ຄະນະຈັດຕັ້ງຂອງປະເທດເຈົ້າພາບໄດ້ຢັ້ງຢືນວ່າຈະເຮັດຈົນສຸດຄວາມສາມາດເພື່ອຈັດຕັ້ງງານມະຫາກໍາກິລາຊີເກມແຫ່ງສີຂຽວ, ສະອາດ ແລະມິດຕະພາບ. ກອງປະຊຸມສິ້ນສຸດລົງໃນວັນທີ 22 ກໍລະກົດ 2020.
ໂດຍ: ໄຊຊະນະ