ທີມບານເຕະຫວຽດນາມ ຈະແຂ່ງຂັນມິດຕະພາບກັບທີມບານເຕະກຽກກີສະຖານ
ກປ.ອອນໄລ - ຕາມຂ່າວຈາກສະຫະພັນບານເຕະຫວຽດນາມ ໃຫ້ຮູ້ວ່າ ສະຫະພັນບານເຕະນີ້ຫາກໍ່ຮັບຈົດໝາຍຂອງສະຫະພັນບານເຕະກຽກກີສະຖານທີ່ສະເໜີໃຫ້ຈັດຕັ້ງການແຂ່ງຂັນມິດຕະພາບສາກົນລະຫວ່າງທີມບານເຕະແຫ່ງຊາດສອງປະເທດ.
ຄາດຄະເນວ່າການແຂ່ງຂັນຈະຈັດຕັ້ງຢູ່ຫວຽດນາມ ໃນວັນທີ 8 ຕຸລາ. ກ່ອນໜ້ານັ້ນ, ການແຂ່ງຂັນນີ້ໄດ້ມີແຜນການຈັດຕັ້ງໃນເດືອນມີນາແລ້ວ ແຕ່ຕ້ອງໂຈະໄວ້ຍ້ອນພະຍາດໂຄວິດ-19. ປະຈຸບັນທີມບານເຕະກຽກກີສະຖານ ຖືກຈັດອັນດັບທີ 96 ໃນໂລກ, ຕໍ່າກວ່າທີມບານເຕະຫວຽດນາມ 2 ຊັ້ນ. ຕາມແຜນການ, ທີມບານເຕະຫວຽດນາມ ຈະເຕົ້າໂຮມໃນເດືອນກັນຍາ, ກ່ອນທີ່ຈະແຂ່ງຂັນກັບທີມບານເຕະມຽນມາ (ວັນທີ 13 ຕຸລາ), ທີມບານເຕະອິນໂດເນເຊຍ (ວັນທີ 12 ພະຈິກ) ໃນຮອບຄັດເລືອກ World Cup 2022 ພາກພື້ນອາຊີ.
ໂດຍ: ກວຽດເຕິມ