ນັກເຕະບານຊາຍ ໂດ໋ຮຸ່ງຢຸງ ແລະນັກເຕະບານຍິງ ຮວີ່ງຍື ຄວ້າລາງວັນໝາກບານຄໍາ ຫວຽດນາມ ປີ 2019
ກປ.ອອນໄລ - ຕອນຄໍ່າວັນທີ 26 ພຶດສະພາ, ທີ່ນະຄອນໂຮ່ຈີມິນ, ໜັງສືພິມໄຊງ່ອນປົດປ່ອຍ ໄດ້ຈັດຕັ້ງພິທີປະກາດ ແລະມອບລາງວັນໝາກບານຄໍາ ຫຼື ບັນລົງດໍ ຫວຽດນາມ ປີ 2019. ນັກເຕະບານຊາຍ ໂດ໋ຮຸ່ງຢຸງ (ມາຈາກສະໂມສອນ ຮ່າໂນ້ຍ) ຄວ້າລາງວັນໝາກບານຄໍາຊາຍ ແລະນັກເຕະບານຍິງ ຮວີ່ງຍື (ມາຈາກສະໂມສອນ ນະຄອນໂຮ່ຈີມິນ) ຄວ້າລາງວັນໝາກບານຄໍາຍິງ.
ສໍາລັບປະເພດໝາກບານຄໍາຊາຍ, ນັກເຕະ ໂດ໋ຮຸ່ງຢຸງ ໄດ້ຄວ້າລາງວັນໝາກບານຄໍາຫວຽດນາມ ປີ 2019 ຍ້ອນມີຜົນງານການແຂ່ງຂັນທີ່ດີເດັ່ນທັງຢູ່ໃນລະດັບສະໂມສອນ ແລະທີມຊາດ ແລະໃນທີມ U23 ຫວຽດນາມ. ນອກຈາກລາງວັນໝາກບານຄໍາແມ່ນຂອງນັກເຕະຮຸ່ງຢຸງ ແລ້ວ, ລາງວັນໝາກບານເງິນ ແມ່ນຂອງນັກເຕະຊາຍ ຫງວຽນກວາງຫາຍ, ລາງວັນໝາກບານທອງແມ່ນຂອງນັກເຕະຊາຍ ຫງວຽນຈ້ອງຮວ່າງ...
|
|
ນັກເຕະບານຊາຍ ໂດ໋ຮຸ່ງຢຸງ (ກາງ) ຄວ້າລາງວັນໝາກບານຄໍາຫວຽດນາມ ປີ 2019. ພາບ: qdnd.vn. |
ສໍາລັບປະເພດໝາກບານຄໍາຍິງ, ນັກເຕະຍິງ ຮວີ່ງຍື ໄດ້ຄວ້າລາງວັນໝາກບານຄໍາຍິງປີ 2019. ນີ້ແມ່ນປີທີ່ປະສົບຜົນສໍາເລັດທີ່ສຸດຂອງ ຮວີ່ງຍື. ລາວໄດ້ຮັບນາມມະຍົດ “ພົນລະເມືອງໜຸ່ມດີເດັ່ນນະຄອນໂຮ່ຈີມິນ” ປີ 2019 ອີກດ້ວຍ.
ນອກຈາກນັ້ນ, ຄະນະຈັດຕັ້ງກໍ່ເຊີດຊູຄູຝຶກ Park Hang-seo ແລະຄູຝຶກ ມາຍດຶກຈູງ ເພື່ອແນໃສ່ສະແດງຄວາມຮູ້ບຸນຄຸນ ແລະຊົມເຊີຍບັນດາການປະກອບສ່ວນທີ່ບໍ່ຮູ້ອິດຮູ້ເມື່ອຍຂອງຄູຝຶກຜູ້ມີຄວາມເກັ່ງກ້າສາມາດສອງທ່ານໃນຜົນສໍາເລັດ ແລະມີຜົນງານກ້າວໜ້າຂຶ້ນເລື້ອຍໆຂອງບານເຕະຫວຽດນາມ ໃນປີ 2019.
ໂດຍ: ເກື່ອງດັ້ງ