Viettel ຍ້ອງຍໍຊົມເຊີຍບັນດານັກກິລາທີມບານເຕະ U.22 ຫວຽດນາມ
ກປ.ອອນໄລ - ຕອນເຊົ້າວັນທີ 12 ທັນວາ, ຢູ່ຮ່າໂນ້ຍ, ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ໄດ້ຈັດຕັ້ງການພົບປະສັງສັນເພື່ອຍ້ອງຍໍຊົມເຊີຍບັນດານັກກິລາຂອງສະໂມສອນບານເຕະ Viettel ທີ່ຫາກໍ່ແຂ່ງຂັນສໍາເລັດພ້ອມກັບທີມບານເຕະ U.22 ຫວຽດນາມ - ຍາດຫຼຽນຄໍາໃນການແຂ່ງຂັນບານເຕະຊາຍຢູ່ຊີເກມ ຄັ້ງທີ 30.
ກ່າວຄໍາເຫັນທີ່ການພົບປະສັງສັນ, ທ່ານພົນຈັດຕະວາ ເລດັງຢຸງ, ຜູ້ວ່າການປະທານທັງເປັນຜູ້ອໍານວຍການໃຫຍ່ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ໄດ້ສົ່ງຄໍາຂອບໃຈ ແລະຊົມເຊີຍຜົນງານທີ່ຍາດຫຼຽນຄໍາໃນການແຂ່ງຂັນບານເຕະຊາຍຂອງທີມບານເຕະ U.22 ຫວຽດນາມ ແລະນັກກິລາ 3 ຄົນແມ່ນ ຫງວຽນຈ້ອງຮວ່າງ, ຫງວຽນດຶ໊ກຈ໊ຽນ, ຫງວຽນຮວ່າງດຶ໊ກ ຂອງສະໂມສອນບານເຕະ Viettel.
    |
 |
|
ທ່ານພົນຈັດຕະວາ ເລດັງຢຸງ ກ່າວຄໍາເຫັນທີ່ການພົບປະສັງສັນ. ພາບ: ຟຸ່ງຈາງ. |
ທີ່ການພົບປະສັງສັນ, ທ່ານພົນຈັດຕະວາ ເລດັງຢຸງ ຢັ້ງຢືນວ່າ, ທຸກສິ່ງທຸກຢ່າງທີ່ບັນດານັກກິລານໍາມາໃຫ້ນັ້ນແມ່ນຄວາມເຊື່ອໝັ້ນ, ຄວາມຄອງຄອຍຂອງປະຊາຊົນທົ່ວປະເທດ. ພິເສດແມ່ນຫຼຽນຄໍາໃນການແຂ່ງຂັນບານເຕະຊາຍເຊິ່ງຄູຝຶກ Park Hang - seo ແລະທີມບານເຕະ U.22 ຫວຽດນາມ ຍາດໄດ້ຢູ່ຊີເກມຄັ້ງທີ 30. ນັກກິລາ 3 ຄົນທີ່ກຸ່ມບໍລິສັດ Viettel ຍ້ອງຍໍຊົມເຊີຍແມ່ນກອງກາງ ຫງວຽນຈ້ອງຮວ່າງ, ຫງວຽນດຶ໊ກຈ໊ຽນ ແລະຫງວຽນຮວ່າງດຶ໊ກ.
|
|
 |
|
ກອງກາງ ຫງວຽນຈ້ອງຮວ່າງ ຕາງໜ້າບັນດານັກກິລາກ່າວຄໍາເຫັນສະແດງຄວາມຂອບໃຈ. ພາບ: ຟຸ່ງຈາງ. |
|
|
 |
|
ຄະນະຝຶກແອບ ແລະນັກກິລາ 3 ຄົນຂອງສະໂມສອນ Viettel. ພາບ: ຟຸ່ງຈາງ. |
|
|
 |
|
ບັນດານັກກິລາມອບເສື້ອແຂ່ງຂັນໃຫ້ຄະນະອໍານວຍການກຸ່ມບໍລິສັດ Viettel. ພາບ: ຟຸ່ງຈາງ. |
ຕາງໜ້າບັນດານັກກິລາ, ກອງກາງ ຫງວຽນຈ້ອງຮວ່າງ ໄດ້ສະແດງຄວາມຂອບໃຈມາຍັງແຟນບານທັງໝົດທີ່ໄດ້ສົ່ງກຳລັງໃຈໃຫ້ທີມບານເຕະ U.22 ຫວຽດນາມ ແລະພິເສດແມ່ນຂໍຂອບໃຈມາຍັງທ່ານພົນຈັດຕະວາ ເລດັງຢຸງ ແລະກຸ່ມບໍລິສັດ Viettel ຢ່າງເລິກເຊິ່ງ ຍາມໃດກໍ່ສະໜັບສະໜູນ, ເອົາໃຈໃສ່, ຊີ້ນໍາ, ສ້າງເງື່ອນໄຂໃຫ້ບັນດານັກກິລາມີຄວາມອຸ່ນອ່ຽນໃຈແຂ່ງຂັນ ແລະອຸທິດ ສ່ວນ.
ເນື່ອງໃນໂອກາດ, ບັນດານັກກິລາຂອງສູນກໍ່ສ້າງບານເຕະ Viettel ກໍ່ສະແດງໃຫ້ເຫັນຄວາມຕັດສິນໃຈ, ມານະພະຍາຍາມໃນການຝຶກແອບ, ກະກຽມແຂ່ງຂັນເຮັດຈົນສຸດຄວາມສາມາດຂອງຕົນຢູ່ບັນດາການແຂ່ງຂັນພາຍໃນ ແລະຕ່າງປະເທດໃນໄລຍະຈະມາເຖິງ.
ໂດຍ: ກວຽດເຕິມ