ຊີເກມ 30: ຊະນະທີມອິນໂດເນເຊຍ 3-0 ປະຕູ, ທີມ U22 ຫວຽດນາມ ຍາດໄດ້ຫຼຽນຄໍາບານເຕະຊາຍ ຊີເກມ ຄັ້ງທຳອິດໃນປະຫວັດສາດ.
ກປ.ອອນໄລ - ດ້ວຍບັນດາລູກຍິງຂອງນັກເຕະ ວັນເຮົ້າ ແລະຮຸ່ງຢຸງ, ເປັນຄັ້ງທໍາອິດທີ່ທີມບານເຕະຊາຍ U22 ຫວຽດນາມ ຍາດໄດ້ຫຼຽນຄໍາຊີເກມ ພາຍຫຼັງທີ່ຕ້ອງລໍຖ້າມາເປັນເວລາຫຼາຍທົດສະວັດ.
ໃນກາງເວລາຕັງ 1, ທີມ U22 ຫວຽດນາມເປັນເຈົ້າການໃນການປ້ອງກັນ, ບຸກຕີ. ແຕ່ຮອດນາທີທີ 39. ພາຍຫຼັງການເຕະໂທດຈາກປີກຊ້າຍຂອງນັກເຕະຮຸ່ງຢຸງ, ນັກເຕະວັນເຮົ້າ ໄດ້ໂດດຂຶ້ນໃຊ້ຫົວໂໝ່ງບານເຂົ້າປະຕູ້ທີມ U22 ອິນໂດເນເຊຍ, ຂຶ້ນນຳ 1-0 ປະຕູ.
|
|
ຄວາມມ່ວນຊື່ນເມື່ອໄດ້ຮັບໄຊຊະນະພາຍຫຼັງທີ່ຕ້ອງລໍຖ້າມາເປັນເວລາຫຼາຍທົດສະວັດ. ພາບ: qdnd.vn. |
ພາຍຫຼັງລູກຍິງເຂົ້າປະຕູ, ບັນດານັກເຕະທີມ U22 ອິນໂດເນເຊຍ ພະຍາຍາມຊອກໂອກາດຍິງປະຕູທີມ U22 ຫວຽດນາມ. ແຕ່ບໍ່ໄດ້. ເຄິ່ງເວລາຕັງ 2, ການແຂ່ງຂັນດຳເນີນໄປດ້ວຍທ່າໄດ້ປຽບແມ່ນຂຶ້ນກັບທີມ U22 ຫວຽດນາມ. ຮອດນາທີທີ 59, ນັກເຕະຮຸ່ງຢຸງ ໄດ້ຍິງເຂົ້າປະຕູໃຫ້ທີມ U22 ອິນໂດເນເຊຍ ແລະຂຶ້ນນຳ 2-0 ປະຕູ.
ຮັບລູກເສຍທີ 2, ຈິດໃຈແຂ່ງຂັນຂອງນັກເຕະ U22 ອິນໂດເນເຊຍ ເລີ່ມຫຼຸດລົງ. ແຕ່ລະເທື່ອເມື່ອບັນດານັກແຕະ ອິນໂດເນເຊຍ ຂຶ້ນບານລ້ວນແຕ່ຖືກນັກເຕະຫວຽດນາມ ທຳລາຍແບບງ່າຍດາຍ. ຢູ່ນາທີທີ 72, ນັກເຕະວັນເຮົ້າ ສືບຕໍ່ຍິງເຂົ້າປະຕູທີມ U22 ອິນໂດເນເຊຍ ໄດ້ລູກທີ 3.
|
|
ຄວາມເອກອ້າງທະນົງໃຈທີ່ມີຊື່ວ່າ ຫວຽດນາມ. ພາບ: qdnd.vn. |
ຍາດໄດ້ໄຊຊະນະໃນການແຂ່ງຂັນຮອບຊິງຊະນະເລີດ, ເປັນຄັ້ງທໍາອິດໃນປະຫວັດສາດທີ່ຫວຽດນາມ ຍາດໄດ້ຫຼຽນຄໍາບານເຕະຊາຍຢູ່ ຊີເກມ. ຂໍອວຍພອນຜົນສໍາເລັດຂອງທີມ U22 ຫວຽດນາມ ກໍ່ຄືແຟນບານຫຼາຍລ້ານຄົນຂອງປະເທດຫວຽດນາມ.
ໂດຍ: ເກື່ອງດັ້ງ