U22 ໄທ ຕົກຮອບຄັດເລືອກ, U22 ຫວຽດນາມ ເຂົ້າສູ່ຮອບ 4 ທີມ
ກປ.ອອນໄລ - ຕອນບ່າຍວັນທີ 5 ທັນວາ, ກອງໜ້າ ຕ໊ຽນລິງ ເໝົາສອງປະຕູຊ່ວຍທີມຊາດຫວຽດນາມ ໄລ່ຕີສະເໝີທີມຊາດໄທ 2-2 ຢູ່ນັດສຸດທ້າຍຂອງກຸ່ມ B, ການແຂ່ງຂັນບານເຕະຊາຍ ຊີເກມ ຄັ້ງທີ 30. ດ້ວຍໝາກຜົນນີ້, U22 ຫວຽດນາມ ຈະພົບກັບ U22 ກໍາປູເຈຍຢູ່ຮອບ 4 ທີມ. ສ່ວນ 2 ທີມທີ່ຍັງເຫຼືອຢູ່ຮອບ 4 ທີມ ແມ່ນ U22 ອິນໂດເນເຊຍ ພົບກັບ U22 ມຽນມາ.
ໃນນັດສຸດທ້າຍຂອງການແຂ່ງຂັນບານເຕະຊາຍລະຫວ່າງ U22 ຫວຽດນາມ ພົບກັບ U22 ໄທ ໄດ້ດຳເນີນຢ່າງດຸເດືອດ, ຂ້ຽວຂາດ. ໃນນາທີທີ 5 ຜູ້ຮັກສາປະຕູ ວັນຕວ໊ານ ໄດ້ຍິງບານຖືກນັກເຕະໄທ ພາໃຫ້ບານເຂົ້າປະຕູຫວຽດນາມ ເຮັດໃຫ້ທີມຊາດໄທ ຂຶ້ນນໍາ 1-0 ປະຕູ. ໃນນາທີ 11, ນັກເຕະ Suphanat ຂອງທີມຊາດໄທ ສືບຕໍ່ຍິງປະຕູເພີ່ມເຮັດໃຫ້ທີມຊາດໄທ ຂຶ້ນນໍາ 2-0 ປະຕູ.
    |
 |
|
ໃນນາທີ 15, ນັກເຕະ ຕ໊ຽນລິງ ໃຊ້ຫົວໂໝ່ງເຂົ້າປະຕູທີມຊາດໄທ ເຮັດໃຫ້ທີມຊາດຫວຽດນາມ ໄລ່ທີມຊາດໄທ 1-2 ປະຕູ. ພາບ: qdnd.vn |
ໃນນາທີ 15, ນັກເຕະ ຕ໊ຽນລິງ ໃຊ້ຫົວໂໝ່ງເຂົ້າປະຕູທີມຊາດໄທ ເຮັດໃຫ້ທີມຊາດຫວຽດນາມ ໄລ່ທີມຊາດໄທ 1-2 ປະຕູ. ຈົບເຄິ່ງເວລາທໍາອິດ, ຜົນປະກົດວ່າ, U22 ໄທ ຂຶ້ນນໍາ U22 ຫວຽດນາມ 2-1 ປະຕູ.
|
|
 |
|
ນັກເຕະສອງທີມ ຍາດບານຢ່າງດຸເດືອດ ແລະຂ້ຽວຂາດ. ພາບ: qdnd.vn |
ກ້າວສູ່ເຄິ່ງເວລາທີສອງ, ທີມຊາດຫວຽດນາມ ໄດ້ເປັນເຈົ້າການຫຼິ້ນໄວກວ່າເຮັດໃຫ້ສະຖານະການຂອງທີມຊາດຫວຽດນາມ ມີການປ່ຽນແປງຫຼາຍ ແລະໄດ້ຈຸດໂທດໃນນາທີໆ 69 ຈາກການຍິງຂອງ ຕ໊ຽນລິງ ເຮັດໃຫ້ທີມຊາດຫວຽດນາມ ສະເໝີທີມຊາດໄທ 2-2 ປະຕູ.
|
|
 |
|
U22 ຫວຽດນາມ ຢືນອັນດັບທີ 1 ຂອງກຸ່ມ B. ພາບ: qdnd.vn. |
ຈົບເກມ ທີມຊາດຫວຽດນາມ ໄລ່ຕີສະເໝີ ທີມຊາດໄທ 2-2 ປະຕູ, ພາໃຫ້ທີມຊາດຫວຽດນາມ ລອດຈາກຄວາມປະລາໄຊ ແລະກ້າວເຂົ້າສູ່ຮອບ 4 ທີມ, ສ່ວນທີມຊາດໄທ ຕົກຮອບຄັດເລືອກ.
ແລະເວລາ 19:00 ໂມງ, U22 ຫວຽດນາມ ຈະລົງແຂ່ງຂັນເຕະກັບ U22 ກໍາປູເຈຍ ໃນວັນທີ 7 ທັນວາ 2019 ຈະມາເຖິງ.
ໂດຍ: ໄຊຊະນະ