ຮອງປະທານປະເທດດັ້ງທິງອກທິ້ງ ເຂົ້າຮ່ວມງານມະຫາກຳກິລາແມ່ຍິງທົ່ວປະເທດປີ 2019
ຕອນເຊົ້າວັນທີ 20 ມິຖຸນາ, ຢູ່ແຂວງບັກນິງ, ສູນກາງສະຫະພັນແມ່ຍິງຫວຽດນາມ ສົມທົບກັບຄະນະກຳມະການປະຊາຊົນແຂວງບັກນິງ ຈັດຕັ້ງພິທີໄຂງານມະຫາກຳກິລາແມ່ຍິງທົ່ວປະເທດປີ 2019 ໂດຍມີການເຂົ້າຮ່ວມຂອງທ່ານນາງຮອງປະທານປະເທດດັ້ງທິງອກທິ້ງ.
ງານມະຫາກຳໄດ້ດຶງດູດການເຂົ້າຮ່ວມຂອງຜູ້ແທນເກືອບ 400 ຄົນ, ໃນນັ້ນມີນັກກິລາ 300 ຄົນແມ່ນມະຫາຊົນ, ພະນັກງານ, ສະມາຊິກສະຫະພັນແມ່ຍິງທີ່ມາຈາກ 42 ແຂວງ, ນະຄອນ, ຫົວໜ່ວຍໃນທົ່ວປະເທດ. ບັນດານັກກິລາຈະເຂົ້າຮ່ວມການແຂ່ງຂັນກິລາ 4 ປະເພດ: ບານສົ່ງອາຍນ້ຳ, ຕີດອກປິກໄກ່, aerobic ແລະເຕັ້ນເປັນທີມ.
ຜ່ານງານມະຫາກຳ, ຄະນະຈັດຕັ້ງຢາກໂຄສະນາຢ່າງເລິກເຊິ່ງກວ້າງຂວາງໃນໝູ່ພະນັກງານ, ສະມາຊິກສະຫະພັນແມ່ຍິງ, ປະຊາຊົນກ່ຽວກັບຜົນປະໂຫຍດຂອງການອອກກຳລັງກາຍ, ຫຼີ້ນກິລາ, ເພື່ອປັບປຸງສຸຂະພາບໃຫ້ແກ່ຕົນເອງ ແລະຄອບຄົວ. ງານມະຫາກຳຍັງແມ່ນການເຄື່ອນໄຫວທີ່ດີ, ມີຜົນປະໂຫຍດຕໍ່ສະມາຊິກສະຫະພັນແມ່ຍິງ, ຜ່ານນັ້ນ, ປະກອບສ່ວນຍົກສູງຄຸນ ນະພາບຊີວິດການເປັນຢູ່ໃຫ້ແກ່ແມ່ຍິງເວົ້າສະເພາະ ແລະປະຊາຊົນເວົ້າລວມ.
ແຫຼ່ງຄັດຈາກ: vovworld.vn