ເລຂາທິການໃຫຍ່ສະຫະພັນບານເຕະອາຊີ ຊົມເຊີຍທີມບານເຕະ U23 ຫວຽດນາມ
ກປ.ອອນໄລ - ຫວ່າງແລ້ວນີ້, ທ່ານ Dato’ Windsor John ເລຂາທິການໃຫຍ່ສະຫະພັນບານເຕະອາຊີ (AFC) ໄດ້ສົ່ງຈົດໝາຍຊົມເຊີຍທີມບານເຕະ U23 ຫວຽດນາມ ດ້ວຍຜົນງານແຂ່ງຂັນທີ່ດີເດັ່ນ ໃນຮອບຄັດເລືອກ, ສົ່ງຜົນໃຫ້ U23 ຫວຽດນາມເຂົ້າຮອບຊີງຊະນະເລີດການແຂ່ງຂັນບານເຕະຊີງແຊ໋ມ U23 ອາຊີ 2020 ທີ່ຈະດໍາເນີນຢູ່ໄທ ໃນປີ 2020.
ໃນຈົດໝາຍ, ທ່ານ Dato’ Windsor John ສະແດງຄວາມປິຕິຊົມຊື່ນ ແລະຊົມເຊີຍຄະນະຄູຝຶກ ແລະນັກເຕະຂອງທີມບານເຕະ U23 ຫວຽດນາມ; ພ້ອມທັງຖືວ່າ, ການລົງສະໜາມແຂ່ງຂັນຂອງບັນດານັກເຕະ U23 ຫວຽດນາມ ທີ່ນັດຕ່າງໆໃນຮອບຄັດເລືອກແມ່ນສຸດຍອດ. ທ່ານເອງເຊື່ອໝັ້ນວ່າ, ນັກເຕະໜຸ່ມທີ່ມີຄວາມເກັ່ງກ້າສາມາດລຸ້ນນີ້ ຈະສ້າງໜ້າໃໝ່ໃຫ້ແກ່ບານເຕະອາຊີ ໃນອະນາຄົດ; ທ່ານກໍ່ອວຍພອນທີມບານເຕະ U23 ຫວຽດນາມ ມີຄວາມໂຊກດີ ແລະລົງສະໜາມແຂ່ງຂັນທີ່ບັນລຸໄດ້ໝາກຜົນດີທີ່ສຸດ.
ໂດຍ: ທູຈາງ