ຄູສອນຫວຽດນາມ ຜູ້ທໍາອິດລອດເຂົ້າທອັບ 10 ຄູສອນດີເດັ່ນທີ່ສຸດໃນທົ່ວໂລກ
ກປ.ອອນໄລ - ວັນທີ 11 ພະຈິກ, ອົງການ Varkey Foundation (ກອງທຶນສົງເຄາະທົ່ວໂລກສຸມໃສ່ເຂົ້າໃນການປັບປຸງບັນດາມາດຕະຖານການສຶກສາໃຫ້ເດັກນ້ອຍດ້ອຍໂອກາດ) ປະກາດບັນຊີລາຍຊື່ທອັບ 10 ລາງວັນຄູສອນທົ່ວໂລກປີ 2020.
ໃນນັ້ນ, ເອື້ອຍຄູ ຮ່າແອ໊ງເຟື້ອງ, ອາຍຸ 29 ປີ, ຄູສອນພາສາອັງກິດໂຮງຮຽນມັດທະຍົມຕອນປາຍເຮືອງເກິ່ນ, ແຂວງຝູເຖາະ, ຫວຽດນາມແມ່ນໜຶ່ງໃນ 10 ຄູສອນດີເດັ່ນທີ່ສຸດໃນທົ່ວໂລກປີ 2020 ໄດ້ຮັບການເຊີດຊູຢູ່ລາງວັນນີ້.
|
|
ເອື້ອຍຄູ ຮ່າແອ໊ງເຟື້ອງ. ພາບ: vietnamnet.vn. |
ລາງວັນຄູສອນທົ່ວໂລກແມ່ນລາງວັນປະຈຳປີຂອງອົງການ Varkey Foundation, ສະຫງວນໃຫ້ບັນດາຄູສອນໃນທົ່ວໂລກທີ່ມີການປະກອບສ່ວນທີ່ດີເດັ່ນເຂົ້າໃນອາຊີບສິດສອນ. ເອື້ອຍຄູ ຮ່າແອ໊ງເຟື້ອງ ແມ່ນຄູສອນຫວຽດນາມ ຜູ້ທໍາອິດລອດເຂົ້າທອັບ 10 ຄູສອນດີເດັ່ນທີ່ສຸດໃນທົ່ວໂລກ. ກ່ອນໜ້ານັ້ນ, ໃນເດືອນ ມີນາ 2020, ເອື້ອຍຄູກໍ່ແມ່ນໜຶ່ງໃນ 50 ຄູສອນທີ່ມີໜ້າໃນບັນຊີລາຍຊື່ຄູສອນທີ່ໄດ້ປະກອບສ່ວນດີເດັ່ນໃນຂົງເຂດການສຶກສາໂດຍອົງການ Varkey Foundation ປະກາດ.
ໂດຍ: ເຈິ່ນຮວ່ຽນ