ຫວຽດນາມ ແມ່ນການຄັດເລືອກແຖວໜ້າສໍາລັບນັກສຶກສາອົດສະຕາລີ ໃນແຜນການໂກລົມໂບໃໝ່
ກປ.ອອນໄລ - ວັນທີ 15 ພະຈິກ, ສະຖານທູດອົດສະຕາລີ ປະຈຳ ຮ່າໂນ້ຍ ໃຫ້ຮູ້ວ່າ, ຫວຽດນາມ ສືບຕໍ່ແມ່ນການຄັດເລືອກແຖວໜ້າສໍາລັບນັກສຶກສາອົດສະຕາລີ ໃນແຜນການໂກລົມໂບໃໝ່ຂອງລັດຖະບານປະເທດນີ້.
ຕາມນັ້ນແລ້ວ, ໃນປີ 2020, ຫວຽດນາມ ເປັນປະເທດທີ່ດຶງດູດຈໍານວນນັກສຶກສາໃນແຜນການໂກລົມໂບໃໝ່ຫຼາຍທີ 4 ໃນຈໍານວນ 36 ປະເທດທີ່ຮັບເອົານັກສຶກສາສັງກັດພາກພື້ນອາຊີ-ປາຊີຟິກ. ນັກສຶກສາຈໍານວນ 677 ຄົນທີ່ມາຈາກມະຫາວິທະຍາໄລ 22 ແຫ່ງຂອງອົດສະຕາລີ ຈະມາສຶກສາຮໍ່າຮຽນຢູ່ຫວຽດນາມໃນບັນດາຂົງເຂດ, ຄື: ການແພດ, ໄອທີ, ກະສິກໍາ, ການຄຸ້ມຄອງສິ່ງແວດລ້ອມ, ການສອນພາສາ...
|
|
ບັນດານັກສຶກສາອົດສະຕາລີ ກໍາລັງສຶກສາຮໍ່າຮຽນຢູ່ຫວຽດນາມ ຜ່ານໂຄງການໂກລົມໂບໃໝ່. ພາບ: ສະຖານທູດອົດສະຕາລີ. |
ນັບແຕ່ປີ 2015 - ເວລາເລີ່ມດຳເນີນແຜນການໂກລົມໂບໃໝ່, ຮອດປີ 2020, ຈໍານວນນັກສຶກສາອົດສະຕາລີ ໄດ້ຮັບທຶນການສຶກສາເພື່ອມາຮ່ຳຮຽນຢູ່ຫວຽດນາມແມ່ນຂຶ້ນເຖິງ 3.609 ຄົນ. ທ່ານ Robyn Mudie ເອກອັກຄະລັດຖະທູດອົດສະຕາລີ ປະຈໍາຫວຽດນາມ ເນັ້ນໜັກວ່າ: “ຈໍານວນນັກສຶກສາເຂົ້າຮ່ວມແຜນການໂກລົມໂບໃໝ່ນັບມື້ນັບຫຼາຍຈະສວມບົດບາດສໍາຄັນສໍາລັບການພົວພັນລະຫວ່າງອົດສະຕາລີ ແລະຫວຽດນາມ. ຜ່ານພຶດຕິກຳຕົວຈິງຢູ່ຫວຽດນາມ ແລະບັນດາການພົວພັນສ່ວນຕົວກໍຄືວຽກງານທີ່ສ້າງມາໄດ້, ເຂົາເຈົ້າຈະກາຍເປັນຕາໜ່າງທີ່ມີຫຼາຍຮູບຫຼາຍແບບ, ມີຜົນສະທ້ອນ ແລະຈະປະກອບສ່ວນຕັ້ງໜ້າເຂົ້າໃນຄວາມວັດທະນາຖາວອນໃນອະນາຄົດຂອງທັງສອງປະເທດ”.
ໂດຍ: ໄຊຊະນະ