ເລີ່ມຕົ້ນເຄື່ອນໄຫວວັນບຸນເລີ່ມທຸລະກິດແຫ່ງຊາດຂອງນັກຮຽນ, ນັກສຶກສາປີ 2019
ກປ.ອອນໄລ - ວັນທີ 1 ຕຸລາ, ທີ່ຮ່າໂນ້ຍ, ກະຊວງສຶກສາ ແລະກໍ່ສ້າງຫວຽດນາມ ໄດ້ຈັດຕັ້ງການປະຊຸມຂ່າວກ່ຽວກັບວັນບຸນເລີ່ມທຸລະກິດແຫ່ງຊາດຂອງ ນັກຮຽນ, ນັກສຶກສາ ປີ 2019 (SV-Startup 2019).
|
|
ທ່ານ ບຸ່ຍວັນລິງ ກ່າວຄໍາເຫັນທີ່ການພົບປະກັບສື່ມວນຊົນ. ພາບ: ແຄ໋ງຮ່າ. |
SV-Startup 2019 ຈະຈັດຂຶ້ນໃນວັນທີ 4-5 ຕຸລາ, ທີ່ມະຫາວິທະຍາໄລສັບພະວິຊາຮ່າໂນ້ຍ ເພື່ອແນໃສ່ຊຸກຍູ້ຈິດໃຈປະດິດຄິດສ້າງ, ເລີ່ມທຸລະກິດຂອງບັນດານັກຮຽນ, ນັກສຶກສາໃນທົ່ວປະເທດ. ລາຍການປີນີ້ມີບາງຈຸດໃໝ່ເມື່ອທຽບໃສ່ກັບລາຍການທີ່ໄດ້ຈັດຕັ້ງຄັ້ງທໍາອິດໃນປີ 2018, ຄື: ເພີ່ມຈໍານວນໂຄງການ, ຈໍານວນມະຫາວິທະຍາໄລ ແລະຈໍານວນບັນດາພະແນກສຶກສາ ແລະກໍ່ສ້າງເຂົ້າຮ່ວມການວາງສະແດງທີ່ວັນບຸນ; ເພີ່ມການດຶງດູດຂອງປະຊາຄົມນັກຮຽນ, ນັກສຶກສາທົ່ວປະເທດຜ່ານການແຂ່ງຂັນ SV-Startup 2019 ແລະມີບັນດາວິສາຫະກິດ, ກອງທຶນເພື່ອລົງທຶນເອົາໃຈໃສ່ເຂົ້າຮ່ວມໜູນຊ່ວຍບັນດາໂຄງການຕື່ມອີກ.
|
|
ພິທີລົງນາມລະຫວ່າງກະຊວງສຶກສາ ແລະກໍ່ສ້າງຫວຽດນາມກັບບັນດາຫົວ ໜ່ວຍອຸປະຖໍາ. ພາບ: ແຄ໋ງຮ່າ. |
ໃນຂອບເຂດ SV-Startup 2019 ຈະດໍາເນີນບັນດາການເຄື່ອນໄຫວທີ່ໜ້າເອົາໃຈໃສ່, ຄື: ຮອບຊີງຊະນະເລີດ “ການແຂ່ງຂັນນັກຮຽນ, ນັກສຶກສາກັບແນວຄວາມຄິດເລີ່ມທຸລະກິດປີ 2019”. ການແຂ່ງຂັນມີການເຂົ້າຮ່ວມຂອງ 200 ກວ່າມະຫາວິທະຍາໄລ, ວິທະຍາໄລ, ໂຮງຮຽນຊັ້ນກາງ, ໂຮງຮຽນມັດທະຍົມສົມບູນໃນທົ່ວປະເທດ, ມີນັກຮຽນ, ນັກສຶກສາຈໍານວນ 200.000 ກວ່າຄົນເຂົ້າຮ່ວມ.
ໂດຍ: ໄຊຊະນະ