ວັນບຸນ “ສີສັນລະດູບານໃໝ່ໃນທຸກພາກຂອງປະເທດ”:
ເຊີດຊູຄວາມງາມດ້ານວັດທະນະທຳຂອງບັນດາເຜົ່າ
ກປ.ອອນໄລ - ວັນບຸນ “ສີສັນລະດູບານໃໝ່ໃນທຸກພາກຂອງປະເທດ” ຈະດຳເນີນໃນວັນທີ 11-12 ກຸມພາ ຢູ່ໝູ່ບ້ານວັດທະນະທຳ ແລະທ່ອງທ່ຽວບັນດາເຜົ່າຫວຽດນາມ (ດົ່ງໂມ, ເຊີນໄຕ, ຮ່າໂນ້ຍ).
ລາຍການດັ່ງກ່າວມີການເຂົ້າຮ່ວມຂອງ 200 ກວ່າຄົນທີ່ມາຈາກ 25 ວົງຄະນາຍາດບັນດາເຜົ່າໃນ 14 ແຂວງ, ນະຄອນທີ່ຕາງໜ້າໃຫ້ບັນດາເຜົ່າ ແລະເຂດພາກ, ຄື: ເຜົ່າຜູ້ໄທ, ແຂວງເຊີນລາ; ຊາວຈໍາບາລາມົນ, ແຂວງ ນິງທ້ວນ;...
|
|
ພາບປະກອບຄັດຈາກ baovanhoa.vn. |
ໃນຂອບເຂດຂອງວັນບຸນ, ຈະຈັດຕັ້ງການເຄື່ອນໄຫວຫຼາຍຢ່າງ, ຄື: ລາຍການ “ຂັບຮ້ອງບົດເພງຊົມເຊີຍພັກອັນສະຫງ່າລາສີ-ຊົມເຊີຍລະດູບານໃໝ່ຂອງປະເທດ”; ວາດພາບງານບຸນວິຫານທາດ (ພິທີກາເຕ) ໂດຍພໍ່ແມ່ປະຊາຊົນເຜົ່າຈຳບາລາມົນ ແຂວງ ນິງທ້ວນ ປະຕິບັດ; ງານບຸນລະດູບານໃໝ່ຂອງພໍ່ແມ່ປະຊາຊົນເຜົ່າຜູ້ໄທ;...
ທີ່ວັນບຸນ, ພໍ່ແມ່ປະຊາຊົນເຜົ່າຜູ້ໄທຢູ່ແຂວງ ເຊີນລາ ຈະແນະນຳບັນດາມໍລະດົກວັດທະນະທຳນາມມະທໍາ “ສິລະປະຟ້ອນແຊ່” ທີ່ UNESCO ຮັບຮອງເປັນມໍລະດົກວັດທະນະທຳນາມມະທໍາຂອງມວນມະນຸດ.
ໂດຍ: ທະນາພອນ