ງານບຸນເຕັດຫວຽດນາມ ປີເຖາະ 2023 ດໍາເນີນຫຼາຍກິດຈະການເຄື່ອນໄຫວທີ່ຄຶກຄື້ນ
ກປ.ອອນໄລ - ງານບຸນເຕັດຫວຽດນາມ ປີເຖາະ 2023 ໄດ້ໄຂຂຶ້ນຢ່າງເປັນທາງການ ໃນຕອນຄໍ່າວັນທີ 5 ມັງກອນ ຢູ່ຫໍວັດທະນະທໍາຊາວໜຸ່ມນະຄອນໂຮ່ຈີມິນ ດ້ວຍຫົວຂໍ້ “ນະຄອນ ທີ່ຂ້ອຍຮັກ”.
ງານບຸນຈະດໍາເນີນໄປຈົນຮອດວັນທີ 26 ມັງກອນ ດ້ວຍຫຼາຍການເຄື່ອນໄຫວຕ້ອນຮັບລະດູບານໃໝ່ທີ່ເຂັ້ມຂຸ້ນໄປດ້ວຍສີສັນຊາດ, ແຜ່ຂະຫຍາຍພາບພົດອັນດີງາມກ່ຽວກັບລະດູບານໃໝ່ທີ່ສະຫງົບສຸກຢູ່ນະຄອນໂຮ່ຈີມິນ. ງານບຸນ ລວມມີກິດຈະກຳເຄື່ອນໄຫວຕ່າງໆ ຄື: ວາດພາບສະຖານທີ່ຂຽນຕົວໜັງສືຈີນ, ແຕ້ມພາບ, ແກະສະຫຼັກເຄື່ອງຫັດຖະກຳສິລະປະ, ສະແດງຊຸດເສື້ອຍາວ, ອາຫານການກິນ... ນອກຈາກນີ້ຍັງມີລາຍການສະແດງສິລະປະທີ່ເປັນເອກະລັກສະເພາະ ຄື: ລາຍການສະແດງຟ້ອນສິງໂຕ, ຟ້ອນມັງກອນ, ງານດົນຕີ...
    |
 |
|
ບັນຍາກາດຄຶກຄື້ນ ທີ່ພິທີໄຂງານບຸນເຕັດຫວຽດນາມ ປີເຖາະ 2023. ພາບ: qdnd.vn |
|
|
 |
|
ມອບຂອງຂວັນໃຫ້ພວກນ້ອງນ້ອຍ ທີ່ປະສົບກັບຄວາມຫຍຸ້ງຍາກ. ພາບ: qdnd.vn |
ໃນໂອກາດນີ້, ຄະນະຊາວໜຸ່ມນະຄອນໂຮ່ຈີມິນ, ຫໍວັດທະນະທໍາຊາວໜຸ່ມນະຄອນ ຍັງໄດ້ສົມທົບກັບຫົວໜ່ວຍຕ່າງໆ ຈັດຕັ້ງການເຄື່ອນໄຫວອາສາສະໝັັກ, ເບິ່ງແຍງດູແລບຸນເຕັດໃຫ້ແກ່ເດັກນ້ອຍ, ນັກສຶກສາ, ຊາວຜູ້ອອກແຮງງານ ທີ່ປະສົບກັບຄວາມຫຍຸ້ງຍາກ.
ໂດຍ: ທູຈາງ