ແນະນຳ “ບັນຍາກາດວັດທະນະທໍາໂຮ່ຈີມິນ” ໃຫ້ພະສົງສາມະເນນ, ພຸດທະສາສະນິກະຊົນ
ກປ.ອອນໄລ - ວັນທີ 22 ກັນຍາ, ຢູ່ລອງຮວາໂກຕື້ (ເມືອງ 7, ນະຄອນໂຮ່ຈີມິນ), ຄະນະບໍລິຫານງານສະມາຄົມພຸດທະສາສະໜາຫວຽດນາມ ເມືອງ 7 ສົມທົບກັບຄະນະກໍາມະການແນວໂຮມປະເທດຊາດຫວຽດນາມ ເມືອງ 7, ສະຫະພັນແມ່ຍິງຫວຽດນາມ ເມືອງ 7 ໄດ້ຈັດຕັ້ງພິທີເປີດຕົວ “ບັນຍາກາດວັດທະນະທໍາໂຮ່ຈີມິນ”, ແນະນໍາເຖິງພະສົງສາມະເນນ, ພຸດທະສາສະນິກະຊົນບັນດາຮູບພາບ, ເອກະສານກ່ຽວກັບຊີວິດ ແລະພາລະກິດການເຄື່ອນໄຫວປະຕິວັດຂອງປະທານໂຮ່ຈີມິນ.
|
|
ບັນດາພະສົງສາມະເນນ, ພຸດທະສາສະນິກະຊົນ ແລະປະຊາຊົນ ມາຢ້ຽມຢາມ “ບັນຍາກາດວັດທະນະທໍາໂຮ່ຈີມິນ”. ພາບ: ຊວນຢຸຍ. |
ຢູ່ທີ່ນີ້, ບັນດາພະສົງສາມະເນນ, ພຸດທະສາສະນິກະຊົນ, ແຂກມາຢ້ຽມຢາມສາມາດສະແກນລະຫັດ QR ເຂົ້າ “ບັນຍາກາດວັດທະນະທໍາ ໂຮ່ຈີມິນ” ດ້ວຍພາສາຫວຽດນາມ, ພາສາອັງກິດ ແລະພາສາ ສ.ເກົາຫຼີ ເພື່ອຢ້ຽມຢາມຫໍພິພິທະພັນອອນລາຍແນະນໍາບັນດາຮູບພາບກ່ຽວກັບປະທານໂຮ່ຈີມິນ ແລະບັນດາບົດປະພັນທີ່ມີຊື່ສຽງຂອງເພິ່ນ. “ບັນຍາກາດວັດທະນະທໍາໂຮ່ຈີມິນ” ຖືກຈັດຢ່າງສົມກຽດໃນຂອບເຂດລອງຮວາໂກຕື້, ເຄີຍເປັນຖານທີ່ໝັ້ນປະຕິວັດໃນການຕໍ່ສູ້ຕ້ານອາເມລິກາ, ກູ້ຊາດ. ວັດ ຍັງເປັນບ່ອນຕ້ອນຮັບພະສົງສາມະເນນ, ພຸດທະສາສະນິກະຊົນ, ແຂກມາຢ້ຽມຢາມເປັນປະຈຳ, ປະກອບສ່ວນແຜ່ຂະຫຍາຍຄຸນຄ່າອັນສູງສົ່ງ ແລະສວຍງາມກ່ຽວກັບປະທານໂຮ່ຈີມິນ ເຖິງປະຊາຊົນ.
ໂດຍ: ເຈິ່ນຮວ່ຽນ