ວັນຄອບຄົວອາຊຽນ 2022 ດໍາເນີນໄປຢ່າງຄຶກຄື້ນ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງຕັ້ງອາຊຽນ ແລະ 27 ປີແຫ່ງວັນ ຫວຽດນາມ ເຂົ້າເປັນສະມາຊິກອາຊຽນ, ຕອນເຊົ້າວັນທີ 13 ສິງຫາ, ກະຊວງການຕ່າງປະເທດຫວຽດນາມ ແລະກຸ່ມແມ່ຍິງປະຊາຄົມອາຊຽນ ປະຈໍາຮ່າໂຮ້ຍ (AWCH) ສົມທົບກັນຈັດຕັ້ງວັນຄອບຄົວອາຊຽນ (ASEAN Family Day) 2022.
ກ່າວຄໍາເຫັນທີ່ພິທີໄຂ, ທ່ານ ຮ່າກິມຫງອັກ ຮອງລັດຖະມົນຕີກະຊວງການຕ່າງປະເທດ ເນັ້ນໜັກວ່າ ວັນຄອບຄົວອາຊຽນ 2022 ໄດ້ຈັດຂຶ້ນແບບເຊິ່ງໜ້າ ພາຍຫຼັງຖືກຢຸດຕິຍ້ອນພະຍາດໂຄວິດ-19, ສະແດງໃຫ້ເຫັນຄວາມມານະພະຍາຍາມລວມ ແມ່ນຊະນະໂລກລະບາດ ກໍຄື ສະໜັບສະໜູນ, ໃຫ້ຄໍາໝັ້ນສັນຍາຢ່າງແຮງ ທີ່ສະຫງວນໃຫ້ແກ່ອາຊຽນ. ນີ້ແມ່ນເວທີປາໄສສໍາຄັນເພື່ອເຊື່ອມຕໍ່ເພື່ອນຮ່ວມອາຊີບ, ເພື່ອນມິດ, ຄອບຄົວໃນປະຊາຄົມອາຊຽນ ແລະຄູ່ຮ່ວມຢູ່ຮ່າໂນ້ຍ, ປະກອບສ່ວນເພີ່ມທະວີການພົວພັນມິດຕະພາບ ແລະການຮ່ວມມື, ເພີ່ມທະວີຄວາມຮັບຮູ້ໃຫ້ມະຫາຊົນກ່ຽວກັບຮູບພາບ ແລະສີສັນອາຊຽນ.
|
|
ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດຫວຽດນາມ ມອບທຸງທີ່ລະນຶກໃຫ້ຜູ້ຕາງໜ້າບັນດາປະເທດອາຊຽນ ຢູ່ຮ່າໂນ້ຍ ແລະບັນດາປະເທດຄູ່ຮ່ວມຂອງອາຊຽນ ພ້ອມກັບບັນດາສະມາຊິກຄອບຄົວອາຊຽນ. ພາບ: ສໍານັກຂ່າວສານຫວຽດນາມ. |
ພາຍຫຼັງພິທີໄຂ ໄດ້ດໍາເນີນການເຄື່ອນໄຫວຖີບລົດມິດຕະພາບ ຈາກສໍານັກງານໃຫຍ່ກະຊວງການຕ່າງປະເທດ ເຖິງບ່ອນເຮັດວຽກຂອງກະຊວງດ້ວຍການເຂົ້າຮ່ວມຂອງຜູ້ແທນ 200 ກວ່າຄົນ. ບັນດາການເຄື່ອນໄຫວພົບປະແລກປ່ຽນສິລະປະວັດທະນະທໍາ, ກິລາ, ການລະຫຼິ້ນພື້ນເມືອງ ແລະອາຫານການກິນ ດໍາເນີນໄປຢ່າງຄຶກຄື້ນ, ເປັນເອກະລັກສະເພາະຂອງບັນດາປະເທດອາຊຽນ.
ໂດຍ: ໄຊຊະນະ