ງານວາງສະແດງອອນລາຍກ່ຽວກັບທ່ານພົນເອກ ຫວໍງວຽນຢາບ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 110 ປີແຫ່ງວັນຄ້າຍວັນເກີດຂອງທ່ານພົນເອກ ຫວໍງວຽນຢາບ (25-8-1911 / 25-8-2021), ສູນອະນຸລັກຮັກສາມໍລະດົກທັງລອງ-ຮ່າໂນ້ຍ ໄດ້ຈັດງານວາງສະແດງທາງອອນລາຍຂຶ້ນດ້ວຍຫົວຂໍ້ “ທ່ານພົນເອກ ຫວໍງວຽນຢາບ - ນາຍພົນຜູ້ວິເສດ”.
|
|
ຮູບພາບວາງສະແດງທີ່ງານວາງສະແດງທາງອອນລາຍກ່ຽວກັບທ່ານພົນເອກ ຫວໍງວຽນຢາບ. ພາບເອກະສານ. |
ງານວາງສະແດງໄດ້ແນະນໍາເອກະສານ, ຮູບພາບ 200 ຢ່າງ, ລວມມີ 3 ພາກ: ອອກມາຈາກປະຊາຊົນ; ອ້າຍກົກຂອງກອງທັບປະຊາຊົນຫວຽດນາມ; ມໍລະດົກຂອງທ່ານພົນເອກ ຫວໍງວຽນຢາບ. ຜ່ານບັນດາຮູບພາບ, ເອກະສານ, ງານວາງສະແດງໄດ້ຍົກອອກໃຫ້ເຫັນຂີດໝາຍ, ບົດບາດຂອງທ່ານພົນເອກ ຫວໍງວຽນຢາບ ທີ່ສໍານັກງານກອງທັບປະຊາຊົນຫວຽດນາມ (ເຮືອນ ແລະຂຸມຄອງ D67) ໃນລະຫວ່າງປີ 1968-1975. ໃນໄລຍະນີ້, ບົນພື້ນຖານການຊີ້ນໍາ ແລະເຫັນດີເປັນເອກະພາບຂອງພັກ, ກົມການເມືອງ, ໃນຖານະຕໍາແໜ່ງເປັນເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ, ຜູ້ບັນຊາການທະຫານສູງສຸດກອງທັບປະຊາຊົນຫວຽດນາມ, ທ່ານພົນເອກ ຫວໍງວຽນຢາບ ໄດ້ຕິດຕາມການປ່ຽນແປງ, ການຜັນແປຂອງສະໜາມຮົບພາກໃຕ້ເປັນປະຈໍາ ແລະວາງອອກການຊີ້ນໍາ, ຄໍາສັ່ງເພື່ອປະກອບສ່ວນສ້າງໄຊຊະນະ, ເຮັດໃຫ້ສະໜາມຮົບປ່ຽນແປງ, ກ້າວໄປເຖິງໄຊຊະນະສຸດທ້າຍ, ປົດປ່ອຍພາກໃຕ້ຢ່າງສົມບູນ, ທ້ອນໂຮມປະເທດຊາດເປັນເອກະພາບ. ງານວາງສະແດງທາງອອນລາຍຈະແນະນຳແຕ່ວັນທີ 22 ສິງຫາ ປີ 2021 ໃນເວັບໄຊ trungbayonline.hoangthanhthanglong.vn.
ໂດຍ: ຈາງຫງວຽນ