ງານບຸນເຕັດຫວຽດນາມ ປີ 2021
ກປ.ອອນໄລ - ວັນທີ 13 ມັງກອນ, ສະຫະສະມາຄົມວັດທະນະທໍາອາຫານການກິນຫວຽດນາມ ໄດ້ສົມທົບກັບພະແນກທ່ອງທ່ຽວ ແລະພະແນກອຸດສາຫະກໍາ ແລະການຄ້ານະຄອນໂຮ່ຈີມິນ ຈັດຕັ້ງກອງປະຊຸມຂ່າວແນະນໍາ ແລະສະເໜີຕົວງານບຸນເຕັດຫວຽດນາມ ປີ 2021.
ງານບຸນເຕັດຫວຽດນາມ ປີ 2021 ຈະດໍາເນີນແຕ່ວັນທີ 21 ຫາວັນທີ 24 ມັງກອນ ຢູ່ສວນສາທາລະນະເລວັນຕ໊າມ (ເມືອງ 1) ເພື່ອແນໃສ່ເຊີດຊູຄຸນຄ່າວັດທະນະທໍາ ແລະອາຫານການກິນຫວຽດນາມ.
|
|
ຄະນະຈັດຕັ້ງ ແນະນໍາກ່ຽວກັບງານບຸນເຕັດຫວຽດນາມ ປີ 2021. ພາບ: ຮຸ່ງຄວາ. |
ງານບຸນດັ່ງກ່າວລວມມີ 4 ການເຄື່ອນໄຫວແມ່ນ: ຊົມບຸນເຕັດ, ກິນເຕັດ, ຫຼີ້ນບຸນເຕັດ ແລະຕະຫຼາດບຸນເຕັດ. ຈຸດພົ້ນເດັ່ນໃນງານບຸນແມ່ນບັນດາລາຍການ, ຄືື: ບັນຍາກາດຄອບຄົວໃນຊຸມວັນບຸນເຕັດຂອງສາມພາກ: ເໜືອ, ກາງ, ໃຕ້, ວາງສະແດງພາເຂົ້າໃນບຸນເຕັດ, ວາງສະແດງອາຫານການກິນທີ່ເປັນເອກະລັກສະເພາະຂອງສາມພາກ, ຕະຫຼາດນັດໃນຊຸມວັນບຸນເຕັດ, ບັນດາການລະຫຼີ້ນພື້ນເມືອງ, ການສະແດງສິລະປະ... ນອກຈາກນັ້ນ, ຍັງມີລາຍການຫໍ່ເຂົ້າຕົ້ມຂອງອົງການສະຖານກົງສູນ, ຫ້ອງການຕາງໜ້າເສດຖະກິດ-ການຄ້າ ແລະຈັດຕັ້ງສາກົນ ໃນບໍລິເວນນະຄອນໂຮ່ຈີມິນ. ຄະນະຈັດຕັ້ງຫວັງວ່າ ຈະດຶງດູດນັກທ່ອງທ່ຽວມາຢ້ຽມຊົມງານບຸນໄດ້ປະມານ 70.000 ເທື່ອຄົນ.
ໂດຍ: ທູຈາງ