ສະເຫຼີມສະຫຼອງ 435 ປີແຫ່ງວັນນັກວັດທະນະທຳທີ່ມີຊື່ສຽງຈໍຈິງ ຫງວຽນບິງຄຽມ ເຖິງແກ່ມໍລະນະກຳ
ກປ.ອອນໄລ - ວັນທີ 10 ມັງກອນ, ຄະນະກໍາມະການປະຊາຊົນເມືອງຫວິງບ໊າວ, ຫາຍຟ່ອງ ຈັດພິທີສະເຫຼີມສະຫຼອງ 435 ປີແຫ່ງວັນທີ່ນັກວັດທະນະທຳທີ່ມີຊື່ສຽງຈໍຈິງ ຫງວຽນບິງຄຽມ ເຖິງແກ່ມໍລະນະກຳຢູ່ເຂດປູຊະນີຍະສະຖານວິຫານບູຊາຈໍຈິງ ຫງວຽນບິງຄຽມ, ບ້ານຈູງອາມ, ຕາແສງລິຮອກ, ເມືອງຫວິງບ໊າວ.
ງານບຸນແມ່ນໂອກາດເພື່ອໂຄສະນາ, ແນະນຳກ່ຽວກັບຊີວິດ, ພາລະກິດ, ບຸນຄຸນຂອງຈໍຈິງ ຫງວຽນບິງຄຽມ, ປຸກລຸກຄວາມເອກອ້າງທະນົງໃຈຕໍ່ຊາດ, ເສີມຂະຫຍາຍບັນດາຄຸນຄ່າວັດທະນະທຳທີ່ເປັນມູນເຊື້ອ, ຄຸນຄ່າຂອງເຂດປູຊະນີຍະສະຖານແຫ່ງຊາດພິເສດວິຫານບູຊາ ຫງວຽນບິງຄຽມ. ຜ່ານນັ້ນສຶກສາໃຫ້ນັກສຶກສາ, ນັກຮຽນ ແລະປະຊາຊົນກ່ຽວກັບຄວາມຮັກແພງບ້ານເກີດເມືອງນອນ, ມູນເຊື້ອວັດທະນະທຳ, ຈິດໃຈມັກຮຽນ ແລະສະແດງຄວາມຮູ້ບຸນຄຸນຂອງປະຊາຊົນຕໍ່ຈໍຈິງ.
|
|
ລາຍການຕີກອງທີ່ພິທີສະເຫຼີມສະຫຼອງ. ພາບ: qdnd.vn. |
ກ່ອນໜ້ານັ້ນ, ທີ່ວິຫານບູຊາຈໍຈິງ ຫງວຽນບິງຄຽມ, ທ່ານ ເລວັນແທັ່ງ ເລຂາພັກແຂວງຫາຍຟ່ອງ ຖະຫວາຍທູບທຽນອາໄລຫາ ແລະສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ຄຸນງາມຄວາມດີ, ການປະກອບສ່ວນອັນໃຫຍ່ຫຼວງໃຫ້ບ້ານເກີດເມືອງນອນ, ປະເທດຊາດຂອງນັກວັດທະນະທຳທີ່ມີຊື່ສຽງ ຫງວຽນບິງຄຽມ.
ໂດຍ: ແສງເດືອນ