ສີສັນວັດທະນະທໍາແຂວງລາຍເຈົາ
ກປ.ອອນໄລ - ດ້ວຍຫົວຂໍ້ “ຕາມເດື່ອງ, ສະຖານທີ່ແຫ່ງການເຕົ້າໂຮມສີສັນວັດທະນະທໍາ”, ນັກທ່ອງທ່ຽວມີໂອກາດໄດ້ຄົ້ນຫາສະຖານທີ່ແຫ່ງວັດທະນະທໍາທີ່ມີສີສັນຫຼາກຫຼາຍໃນສັບປະດາວັດທະນະທໍາ, ການທ່ອງທ່ຽວເມືອງຕາມເດື່ອງ (ແຂວງລາຍເຈົາ).
|
|
ວັນບຸນວັດທະນະທໍາໄດ້ຈັດຕັ້ງທີ່ສະໜາມກິລາຂອງເມືອງຕາມເດື່ອງ (ແຂວງລາຍເຈົາ). ພາບ: qdnd.vn. |
ເມື່ອເຂົ້າຮ່ວມວັນບຸນວັດທະນະທໍາ, ນັກທ່ອງທ່ຽວບໍ່ພຽງແຕ່ໄດ້ເຊື່ອມຕົວເຂົ້າກັບບັນຍາກາດວັນບຸນຂອງບັນດາເຜົ່າເທົ່ານັ້ນ, ແຕ່ວ່ານັ້ນຍັງແມ່ນໂອກາດເພື່ອໄດ້ຮັບປະທານເຍື່ອງອາຫານທີ່ແຊບນົວຂອງຊາວເຜ່ົາໄທ, ຊົມສິລະປະຟ້ອນແຄນ ແລະຕີມີດຂອງຊາວເຜົ່າມົ້ງ ຫຼືນຸ່ງຊຸດທີ່ມີສີສັນຫຼາກຫຼາຍຂອງຊາວເຜົ່າຢ້າວ.
ທີ່ວັນບຸນຍັງດໍາເນີນການແຂ່ງຂັນ, ການລະຫຼີ້ນພື້ນເມືອງ ແລະຍັງໄດ້ວາດພາບສະຖານທີ່ແຫ່ງມູນເຊື້ອວັດທະທໍາຂອງຊົນເຜົ່າ: ມົ້ງ, ໄທ, ຢ້າວ, ລາວ... ພ້ອມກັບການວາງສະແດງຂາຍຜະລິດຕະພັນປະເພດຕ່າງໆຂອງທ້ອງຖິ່ນ. ສັບປະດາວັດທະນະທໍາ, ການທ່ອງທ່ຽວເມືອງຕາມເດື່ອງປີ 2020 ດໍາເນີນໃນລະຫວ່າງວັນທີ 25-27 ທັນວາ ແມ່ນເຫດການໄດ້ຈັດຕັ້ງຂຶ້ນໃນແຕ່ລະປີ, ເພື່ອແນໃສ່ປະກອບສ່ວນຮັກສາ, ເສີມຂະຫຍາຍສີສັນວັດທະນະທໍາຂອງຊາດ, ພ້ອມທັງແນະນໍາ, ໂຄສະນາດິນແດນ, ປະຊາຊົນຢູ່ທີ່ນີ້.
|
|
ຊົນເຜົ່າຕ່າງໆຢູ່ແຂວງລາຍເຈົາ ວາງສະແດງສະຖານທີ່ວັດທະນະທໍາທີ່ເປັນເອກະລັກສະເພາະ. ພາບ: qdnd.vn. |
|
|
ນາງສາວຊົນເຜົ່າຢ້າວ ນຸ່ງຊຸດອາພອນປະຈໍາເຜົ່າ. ພາບ: qdnd.vn. |
|
|
ຊາວເຜົ່າໄຢ໊ ສະແດງວາດຟ້ອນຕ້ອນຮັບນັກທ່ອງທ່ຽວ ແລະຈັດພາເຂົ້າໃນວັນບຸນເຕັດ. ພາບ: qdnd.vn. |
|
|
ຊົນເຜົ່າຢູ່ທ້ອງຖິ່ນ ປຸງແຕ່ງອາຫານ. ພາບ: qdnd.vn. |
|
|
ນັກທ່ອງທ່ຽວນຸ່ງຊຸດອາພອນຂອງຊົນເຜົ່າລື້ ແລະຕໍ່າຜ້າ. ພາບ: qdnd.vn. |
ໂດຍ: ທູຈາງ