ໄຂງານວາງສະແດງຮູບພາບ “ຫວຽດນາມ-ບຸນກາຣີ: 70 ປີແຫ່ງມິດຕະພາບ ແລະພັດທະນາ”
ກປ.ອອນໄລ - ວັນທີ 16 ພະຈິກ, ພິທີໄຂງານວາງສະແດງຮູບພາບ “ຫວຽດນາມ-ບຸນກາຣີ: 70 ປີແຫ່ງມິດຕະພາບ ແລະພັດທະນາ” ໄດ້ດໍາເນີນຢູ່ຮ່າໂນ້ຍ. ເຫດການໂດຍສໍານັກຂ່າວສານຫວຽດນາມ, ສໍານັກຂ່າວສານບຸນກາຣີ ແລະສະຖານທູດ ສ.ບຸນກາຣີ ປະຈໍາ ຫວຽດນາມ ສົມທົບກັນຈັດຕັ້ງເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ບຸນກາຣີ (8-2-1950 / 8-2-2020).
    |
 |
|
ບັນດາຜູ້ແທນຢ້ຽມຊົມງານວາງສະແດງ. ພາບ: ສໍານັກຂ່າວສານຫວຽດນາມ. |
ງານວາງສະແດງໄດ້ແນະນໍາບັນດາຮູບຂາວດໍາ ແລະຮູບສີທີ່ດີເດັ່ນຂອງສໍານັກຂ່າວສານຫວຽດນາມ ແລະສໍານັກຂ່າວສານບຸນກາຣີ ເຊິ່ງໄດ້ສ່ອງແສງຢ່າງກົງໄປກົງມາເຖິງນໍ້າໃຈໄມຕີຈິດມິດຕະພາບທີ່ເປັນມູນເຊື້ອ, ການຮ່ວມມືໃນບັນດາຂົງເຂດລະຫວ່າງສອງປະເທດໃນ 7 ທົດສະວັດຜ່ານມາຢ່າງມີຊີວິດຊີວາ. ງານວາງສະແດງກໍ່ແນະນໍາເຖິງຜູ້ຊົມບັນດາຮູບພາບທີ່ສ່ອງແສງເຖິງການສະໜັບສະໜູນ, ການຊ່ວຍເຫຼືອອັນລ້ຳຄ່າທາງດ້ານວັດຖຸ ແລະຈິດໃຈຂອງລັດຖະບານ ແລະປະຊາຊົນບຸນກາຣີ ທີ່ສະຫງວນໃຫ້ປະຊາຊົນຫວຽດນາມ ໃນພາລະກິດຕໍ່ສູ້ປົດປ່ອຍຊາດ, ສ້າງສາ ແລະປົກປັກຮັກສາປະເທດຊາດໃນຊຸມປີ 70-80 ຂອງສະຕະວັດທີ XX, ການພັດທະນາທີ່ຕັ້ງໜ້າຂອງສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມືລະຫວ່າງສອງປະເທດໃນຊຸມປີມໍ່ໆມານີ້ໃນທຸກຂົງເຂດ...
ງານວາງສະແດງຈະດໍາເນີນໄປຮອດວັນທີ 22 ພະຈິກ ຈຶ່ງອັດລົງ.
ໂດຍ: ທູຈາງ