ຈັດຕັ້ງກິດຈະກໍາຕ່າງໆດ້ວຍຫົວຂໍ້ “ເດືອນພຶດສະພາ ຄິດຮອດລຸງໂຮ່”
ກປ.ອອນໄລ - ເພື່ອເປັນການຂ່ຳນັບຮັບຕ້ອນສະເຫຼີມສະຫຼອງ 130 ປີແຫ່ງວັນຄ້າຍວັນເກີດຂອງປະທານໂຮ່ຈີມິນ (19-5-1890 / 19-5-2020), ຄະນະຄຸ້ມຄອງໝູ່ບ້ານວັດທະນະທໍາ-ທ່ອງທ່ຽວບັນດາເຜົ່າຫວຽດນາມ (ດົ່ງໂມ, ເຊີນໄຕ, ຮ່າໂນ້ຍ) ໄດ້ຈັດຕັ້ງກິດຈະກໍາຕ່າງໆດ້ວຍຫົວຂໍ້ “ເດືອນພຶດສະພາ ຄິດຮອດລຸງໂຮ່”.
ລາຍການຈະດໍາເນີນແຕ່ວັນທີ 4-31 ພຶດສະພາ, ດ້ວຍການເຂົ້າຮ່ວມຂອງພໍ່ແມ່ປະຊາຊົນ 12 ຊົນເຜົ່າ, ຄື: ໄຕ (ທ໊າຍຫງວຽນ); ຢາວ (ບາວີ່, ຮ່າໂນ້ຍ); ມົ້ງ (ຮ່າຢາງ); ຂະມຸ (ເງະອານ); ຕ່າໂອຍ, ເກີຕູ (ເທື່ອທຽນ-ເຫວ໋); ບານາ (ຢາລາຍ); ເຊີດັງ (ກອນຕູມ); ເອເດ (ດັ໊ກລັ໊ກ); ຂະແມ (ຊ໊ອກຈັງ)...
|
|
ຈັດຕັ້ງກິດຈະກໍາຕ່າງໆດ້ວຍຫົວຂໍ້ “ເດືອນພຶດສະພາ ຄິດຮອດລຸງໂຮ່”. ພາບ: ທຸ໊ຍງາ. |
ໃນຂອບເຂດລາຍການມີກິດຈະກໍາ “ພໍ່ແມ່ປະຊາຊົນຢູ່ໝູ່ບ້ານກັບລຸງໂຮ່ ຜ່ານບັນດາເລື່ອງລາວຕ່າງໆ”; ວາງສະແດງຮູບພາບຂອງລຸງໂຮ່ ຜ່ານບັນດາວັດຖຸພັນ, ເອກະສານເກັບຮັກສາ; ສະແດງລາຍການສິລະປະດ້ວຍຫົວຂໍ້ “ຂອງຂວັນເດືອນພຶດສະພາມອບໃຫ້ເພິ່ນ”… ຕາມຄະນະຄຸ້ມຄອງໝູ່ບ້ານ, ຖ້າວ່າໃນເດືອນພຶດສະພາ ພະຍາດໂຄວິດ-19 ຍັງບໍ່ທັນຢຸດຕິ, ບັນດາກິດຈະກໍາ ຈະໄດ້ປະຕິບັດໃນວັນທ້າຍອາທິດເທົ່ານັ້ນ ແລະຈະຫຼຸດຜ່ອນຂອບຂະໜາດລົງ, ປະຕິບັດບັນດາມາດຕະການປ້ອງກັນ, ຕ້ານພະຍາດໂຄວິດ-19 ຢ່າງເຂັ້ມງວດ.
ໂດຍ: ຄໍາແພງ