ໂຄສະນາຮູບພາບຫວຽດນາມ ທີ່ງານບຸນວັດທະນະທໍາຫຼາກຫຼາຍຮູບແບບ ຢູ່ອົດສະຕາລີ
ກປ.ອອນໄລ - ວັນທີ 22 ກຸມພາ, ສະຖານທູດຫວຽດນາມ ປະຈໍາ ອົດສະຕາລີ ເຂົ້າຮ່ວມງານບຸນວັດທະນະທໍາຫຼາກຫຼາຍຮູບແບບໄດ້ຈັດຕັ້ງປະຈໍາປີຢູ່ນະຄອນຫຼວງແຄນເບີຣາ ແນໃສ່ເພີ່ມທະວີການໂຄສະນາຂໍ້ມູນຂ່າວສານ, ຮູບພາບປະເທດຊາດ, ຊາວຫວຽດນາມ ແລະວັດທະນະທໍາຫວຽດນາມ ໃຫ້ປະຊາຊົນອົດສະຕາລີ ແລະເພື່ອນມິດສາກົນ.
ນອນໃນເຂດໝູ່ບ້ານວັດທະນະທຳອາຊຽນ, ຮ້ານວາງສະແດງຂອງຫວຽດນາມ ໄດ້ແນະນໍາບັນດາຜະລິດຕະພັນວັດທະນະທໍາ, ທ່ອງທ່ຽວ ແລະຜະລິດຕະພັນເຄື່ອງທີ່ລະນຶກທີ່ເປັນມູນເຊື້ອເພື່ອແຈກຢາຍໃຫ້ແກ່ຜູ້ຊົມ. ມາຢ້ຽມຊົມຮ້ານວາງສະແດງ, ນັກທ່ອງທ່ຽວຫຼາຍຄົນມີຄວາມສົນໃຈຢາກຊອກຮູ້ຂໍ້ມູນຂ່າວສານກ່ຽວກັບບັນດາທັດສະນີຍະພາບທີ່ມີຊື່ສຽງ ເພື່ອກະກຽມໃຫ້ການໄປທ່ອງທ່ຽວຢູ່ຫວຽດນາມ ໃນໄລຍະຈະມາເຖິງ.
|
|
ບັນດານັກທ່ອງທ່ຽວມີຄວາມພໍໃຈກັບເຄື່ອງທີ່ລະນຶກຢູ່ຮ້ານວາງສະແດງຂອງຫວຽດນາມ ຢູ່ງານບຸນວັດທະນະທໍາຫຼາກຫຼາຍຮູບແບບປີ 2017 ຢູ່ແຄນເບີຣາ. ພາບ: vietnamplus.vn. |
ນັກທ່ອງທ່ຽວຫຼາຍຄົນມີຄວາມພໍອົກພໍໃຈເມື່ອໄດ້ຮັບການແນະນໍາ ແລະໄດ້ຮັບປຶ້ມແນະນໍາກ່ຽວກັບວິທີປຸງແຕ່ງອາຫານພື້ນເມືອງຂອງຫວຽດນາມ, ຄື: ແນມ, ເຂົ້າປູ້ນຊີ້ນປີ້ງ... ພິເສດແມ່ນບັນດາສື່ສິ່ງພິມທີ່ແນະນໍາກ່ຽວກັບຜະລິດຕະພັນສົ່ງອອກຂອງຫວຽດນາມ, ໃນນັ້ນມີຜະລິດຕະພັນ, ຄື: ກຸ້ງ, ໝາກມັງກອນ, ໝາກລຳໄຍ... ໄດ້ຮັບຄວາມສົນໃຈຈາກບັນດາຜູ້ຊົມ. ນອກຈາກຮ້ານວາງສະແດງວັດທະນະທໍາ ແລະອາຫານການກິນແລ້ວ, ໃນບັນຍາກາດງານບຸນປີນີ້ຍັງມີ 6 ເວທີສະແດງລະຄອນດ້ວຍການເຂົ້າຮ່ວມສະແດງຂອງກຸ່ມນັກສິລະປິນນັບຮ້ອຍຄົນທີ່ມາຈາກຫຼາຍປະເທດ ແລະບັນດາກຸ່ມປະຊາຄົມ.
ໂດຍ: ຄໍາແພງ