ໄຂງານວາງສະແດງຮູບພາບກ່ຽວກັບປະທານໂຮ່ຈີມິນ
ກປ.ອອນໄລ - ວັນທີ 20 ມັງກອນ, ຄະນະຄຸ້ມຄອງສຸສານ, ກອງບັນຊາການປ້ອງກັນສຸສານປະທານໂຮ່ຈີມິນ ໄດ້ສົມທົບກັບເຂດປູຊະນີຍະສະຖານປະທານໂຮ່ຈີມິນ ຢູ່ສໍານັກງານປະທານປະເທດຈັດຕັ້ງພິທີໄຂງານວາງສະແດງຮູບພາບກ່ຽວກັບປະທານໂຮ່ຈີມິນ ພາຍໃຕ້ຫົວເລື່ອງສະເພາະ: “ປະທານໂຮ່ຈີມິນ, ຜູ້ສ້າງຕັ້ງ, ນໍາພາ ແລະຝຶກຝົນຫຼໍ່ຫຼອມພັກກອມມູນິດຫວຽດນາມ”.
|
|
ບັນດາຜູ້ແທນຕັດແຖບຜ້າໄຂງານວາງສະແດງ. ພາບ: ຮົ່ງຊ໋າງ |
ງານວາງສະແດງລວມມີ 3 ພາກສ່ວນ: ຫງວຽນອ໊໋າຍກວ໊ັກ, ຜູ້ສ້າງຕັ້ງພັກກອມມູນິດຫວຽດນາມ; ປະທານໂຮ່ຈີມິນ, ຜູ້ນໍາພາ ແລະຝຶກຝົນຫຼໍ່ຫຼອມພັກກອມມູນິດຫວຽດນາມ ແລະເສີມຂະຫຍາຍຄວາມໝາຍດ້ານການເມືອງ, ວັດທະນະທໍາ, ກິດຈະກໍາສຸສານປະທານໂຮ່ຈີມິນ, ປົກປ້ອງພື້ນຖານແນວຄິດຂອງພັກໃຫ້ໝັ້ນຄົງເຂັ້ມແຂງ.
|
|
ພະນັກງານ, ນັກຮົບຮັບຟັງການແນະນໍາກ່ຽວກັບຊີວິດ, ພາລະກິດຂອງປະທານໂຮ່ຈີມິນ. ພາບ: ຮົ່ງຊ໋າງ |
ງານວາງສະແດງມີຮູບພາບເອກະສານອັນລໍ້າຄ່າ 120 ແຜ່ນ, ສັງເຂບກ່ຽວກັບໄລຍະທາງແຫ່ງການຕໍ່ສູ້ທີ່ສະຫງ່າອົງອາດຂອງພັກກອມມູນິດຫວຽດນາມ, ຫວນຄືນບັນດາຄວາມຫຍຸ້ງຍາກລໍາບາກ, ການເສຍສະຫຼະອັນໃຫຍ່ຫຼວງ, ບັນດາໄຊຊະນະອັນສະຫງ່າລາສີເຊິ່ງປະຊາຊົນຫວຽດນາມ ຍາດມາໄດ້ພາຍໃຕ້ການນໍາພາຂອງພັກນໍາໂດຍແມ່ນປະທານໂຮ່ຈີມິນ ແລະບັນດາໝາກຜົນຂອງຄະນະຄຸ້ມຄອງສຸສານ, ກອງບັນຊາການປ້ອງກັນສຸສານປະທານໂຮ່ຈີມິນ ແລະບັນດາກົມກອງຍາດມາໄດ້ໃນວິວັດທະນາການປະຕິບັດໜ້າທີ່.
ໂດຍ: ທູຈາງ