ໄຂສັບປະດາວັດທະນະທໍາດ້ວຍຫົວຂໍ້ “ຢ້ຽມຊົມເຂດມໍລະດົກນາຂັ້ນໄດ” ຮວ່າງຊູຟີ່
ຕອນຄໍ່າວັນທີ 21 ກັນຍາ, ຢູ່ສະໜາມກິລາ ເມືອງ ຮວ່າງຊູຟີ່ ແຂວງຮ່າຢາງ ໄດ້ດໍາເນີນພິທີໄຂສັບປະດາວັດທະນະທໍາດ້ວຍຫົວຂໍ້ “ຢ້ຽມຊົມເຂດມໍລະດົກນາຂັ້ນໄດ” ຮວ່າງຊູຟີ່ ປີ 2019.
ສັບປະດາວັດທະນະທໍາດ້ວຍຫົວຂໍ້ “ເຂດມໍລະດົກນາຂັ້ນໄດ” ຮວ່າງຊູຟີ່ ປີ 2019 ໄດ້ຖືກໄຂຂຶ້ນແມ່ນເພື່ອແນໃສ່ເຊີດຊູຄຸນຄ່າວັດທະນະທໍາ, ພ້ອມທັງອະນຸລັກຮັກສາ ແລະເສີມຂະຫຍາຍຄຸນຄ່່າທີ່ເປັນມູນເຊື້ອຂອງພໍ່ແມ່ປະຊາຊົນບັນດາເຜົ່າຢູ່ແຂວງຮ່າຢາງ.
|
|
ກະຊວງວັດທະນະທໍາ, ກິລາ ແລະ ທ່ອງທ່ຽວຫວຽດນາມ ມອບຂໍ້ຕົກລົງຮັບຮອງເອົາມໍລະດົກວັດທະນະທໍາບໍ່ເປັນວັດຖຸລະດັບຊາດ ສໍາລັບ ອາຊີບຕີເງິນຂອງຊົນເຜົ່ານຸ່ງ ຢູ່ ຮວ່າງຊູຟີ່ ແຂວງຮ່າຢາງ. ພາບ: ສຳນັກຂ່າວສານຫວຽດນາມ. |
ທີ່ພິທີໄຂ, ກະຊວງວັດທະນະທໍາ, ກິລາ ແລະ ທ່ອງທ່ຽວຫວຽດນາມ ໄດ້ມອບຂໍ້ຕົກລົງຮັບຮອງເອົາມໍລະດົກວັດທະນະທໍາບໍ່ເປັນວັດຖຸລະດັບຊາດສໍາລັບອາຊີບຕີເງິນຂອງຊົນເຜົ່ານຸ່ງຢູ່ ຮວ່າງຊູຟີ່ ແຂວງຮ່າຢາງ; ມອບລາງວັນນັກສິລະປະການ ຊົງຊາ ຫວຽດນາມ ປີ 2019.
ໂດຍຕາງໜ້າໃຫ້ແກ່ພັກ, ລັດ ຫວຽດນາມ, ທ່ານຮອງປະທານສະພາແຫ່ງຊາດຫວຽດນາມ ອວງຈູລືວ ຕີລາຄາສູງອົງຄະນະພັກ, ອໍານາດການປົກຄອງ ແລະປະຊາຊົນບັນດາເຜົ່າແຂວງຮ່າຢາງ ທີ່ໄດ້ກໍ່ສ້າງຮ່າຢາງ ໃຫ້ນັບມື້ນັບຮັ່ງມີສວຍງາມ. ທ່ານຮອງປະທານສະພາແຫ່ງຊາດຫວຽດນາມ ອວງຈູລືວ ຮຽກຮ້ອງໃຫ້ແຂວງຮ່າຢາງ ຂຸດຄົ້ນຄວາມສາມາດບົ່ມຊ້ອນ, ທ່າແຮງໃຫ້ເໝາະສົມ ແລະມີປະສິດທິຜົນ, ນໍາ ຮ່າຢາງ ໃຫ້ຫຼຸດພົ້ນອອກຈາກສະພາບຄວາມທຸກຍາກເປັນພິເສດເທື່ອລະກ້າວ.
ແຫຼ່ງຄັດຈາກ: ວິທະຍຸກະຈາຍສຽງຫວຽດນາມ