ງານວາງສະແດງ "ປະທານ ສຸພານຸວົງ-ເພື່ອນມິດທີ່ສະໜິດສະໜົມຂອງປະຊາຊົນ ຫວຽດນາມ"
ກປ.ອອນໄລ - ວັນທີ 19 ກໍລະກົດ, ເນື່ອງໃນໂອກາດສະເຫຼີມສະຫຼອງ 110 ປີແຫ່ງວັນຄ້າຍວັນເກີດຂອງປະທານ ສຸພານຸວົງ, ຫໍພິພິທະພັນໂຮ່ຈີມິນ ແລະຫໍພິພິທະພັນໄກສອນ ພົມວິຫານ ສົມທົບກັນຈັດຕັ້ງງານວາງສະແດງ "ປະທານ ສຸພານຸວົງ-ເພື່ອນມິດທີ່ສະໜິດສະໜົມຂອງປະຊາຊົນຫວຽດນາມ" ຢູ່ຫໍພິພິທະພັນໂຮ່ຈີມິນ (ຮ່າໂນ້ຍ).
ກ່າວຄໍາເຫັນທີ່ພິທີໄຂ, ທ່ານ ປອ. ຫວູແມ້ງຮ່າ ຜູ້ອຳນວຍການຫໍພິພິທະພັນໂຮ່ຈີມິນ ເນັ້ນໜັກວ່າ, ປະທານ ສຸພານຸວົງ ແມ່ນຜູ້ນໍາປະຕິວັດທີ່ອົງອາດກ້າແກ່ນ, ເພິ່ນໄດ້ອຸທິດຕະຫຼອດຊີວິດຂອງຕົນໃຫ້ແກ່ເອກະລາດແຫ່ງຊາດ ແລະຄວາມວັດທະນາຖາວອນຂອງປະເທດລາວ, ເປັນຜູ້ດີເລີດຂອງປະຊາຊົນລາວ, ເປັນເພື່ອນມິດທີ່ສະໜິດສະໜົມ, ສັດຊື່ບໍລິສຸດຂອງປະຊາຊົນຫວຽດນາມ.
|
|
ບັນດາຜູ້ແທນຕັດແຖບຜ້າໄຂງານວາງສະແດງ. ພາບ: ສໍານັກຂ່າວສານຫວຽດນາມ. |
ດ້ວຍພາບຖ່າຍ, ເອກະສານ, ວັດຖຸພັນເກືອບ 100 ຢ່າງ, ງານວາງສະແດງໄດ້ແນະນໍາເຖິງມະຫາຊົນບັນດາຂີດໝາຍແຫ່ງນ້ຳໃຈເພື່ອນມິດທີ່ເລິກເຊິ່ງຂອງປະທານ ສຸພານຸວົງ ຢູ່ປະເທດຫວຽດນາມ, ຜ່ານນັ້ນສະແດງໃຫ້ເຫັນນ້ຳໃຈມິດຕະພາບມາແຕ່ດົນນານ, ໝັ້ນແກ່ນລະຫວ່າງປະຊາຊົນສອງປະເທດ ຫວຽດນາມ-ລາວ. ງານວາງສະແດງຍັງແມ່ນການເຄື່ອນໄຫວວັດທະນະທໍາມີຄວາມໝາຍ, ປະກອບສ່ວນເພີ່ມພູນຄູນສ້າງນໍ້າໃຈສາມັກຄີ, ມິດຕະພາບລະຫວ່າງສອງພັກ, ສອງລັດ, ປະຊາຊົນສອງປະເທດຫວຽດນາມ-ລາວ.
ໂດຍ: ຄໍາແພງ