ງານມະຫາກຳດົນຕີມິດຕະພາບ ຫວຽດນາມ-ສ.ເກົາຫຼີ ຊຸກຍູ້ການພັດທະນາວັດທະນະທໍາຂອງສອງປະເທດ
ກປ.ອອນໄລ - ບັນດາດາລາດົນຕີຂອງຫວຽດນາມ ແລະສ.ເກົາຫຼີ, ຄື: Bi Rain, ບັນດາກຸ່ມດົນຕີ: Mamamoo, Pentagon, SF9, N.Flying, Hot Place, ນັກຮ້ອງ ໂນເຟືອກທິ້ງ, ຕ໊ອກຕຽນ... ຈະເຂົ້າຮ່ວມງານມະຫາກຳດົນຕີມິດຕະພາບ ຫວຽດນາມ-ສ.ເກົາຫຼີ ທີ່ຈະດໍາເນີນໃນເວລາ 19 ໂມງຂອງວັນທີ 1 ມິຖຸນາ, ຢູ່ສະໜາມກິລາແຫ່ງຊາດມີດີ່ງ (ຮ່າໂນ້ຍ).
ຕາມນັ້ນ, ດ້ວຍສານຕົ້ນຕໍແມ່ນ “We are Friend”, ພາກພົບປະແລກປ່ຽນ, ສະແດງສິລະປະໃນລາຍການບໍ່ພຽງແຕ່ແມ່ນບັນດາບົດເພງມ່ວນຂອງນັກສິລະປິນເທົ່ານັ້ນ ຫາກຍັງເປັນການສົມທົບກັນຂອງບັນດານັກຮ້ອງ, ນັກສິລະປິນທີ່ມາຈາກສອງປະເທດອີກດ້ວຍ. ນີ້ກໍ່ແມ່ນກາລະໂອກາດເພື່ອນໍາວັດທະນະທໍາ ຫວຽດນາມ ແລະສ.ເກົາຫຼີ ໃກ້ກັນກວ່າ, ປະກອບສ່ວນຊຸກຍູ້ສາຍພົວພັນອັນດີງາມ ແລະໝັ້ນແກ່ນລະຫວ່າງສອງປະເທດກວ່າອີກ.
|
|
ບັນຍາກາດທີ່ກອງປະຊຸມຂ່າວແນະນໍາງານມະຫາກຳດົນຕີມິດຕະພາບ ຫວຽດນາມ-ສ.ເກົາຫຼີ. ພາບ: ແຄ໊ງຮວ່ຽນ. |
ທ່ານ Kim Heung Gyu, ຫົວໜ້າຄະນະຈັດຕັ້ງລາຍການ ໃຫ້ຮູ້ວ່າ: “ງານມະຫາກຳດົນຕີມິດຕະພາບ ຫວຽດນາມ-ສ.ເກົາຫຼີ ໄດ້ຈັດຕັ້ງດ້ວຍເປົ້າໝາຍຮັກສານໍ້າໃຈມິດຕະພາບວັດທະນະທໍາລະຫວ່າງ ສ.ເກົາຫຼີ ແລະຫວຽດນາມ. ທ່ານຫວັງວ່າງານມະຫາກຳດົນຕີຈະປະສົບຜົນສໍາເລັດຢ່າງຈົບງາມບົນຈິດໃຈພົບປະແລກປ່ຽນ ແລະຊອກຮູ້ວັດທະນະທໍາສອງປະເທດ ຫວຽດນາມ-ສ.ເກົາຫຼີ. ຂ້າພະເຈົ້າຈະມານະພະຍາຍາມເຮັດສຸດຄວາມສາມາດຂອງຕົນ ເພື່ອຊຸກຍູ້ການພັດທະນາວັດທະນະທໍາຂອງສອງປະເທດ”.
ຕາມທ່ານ ເລືອງຮຸ່ງ, ຫົວໜ້າຄະນະທີ່ປຶກສາບໍລິຫານເຫດການ ແລ້ວ, ຄະນະຈັດຕັ້ງຈະເຊື້ອເຊີນຄູຝຶກ Park Hang Seo ພ້ອມກັບທີມຊາດບານເຕະຫວຽດນາມ ເຂົ້າຮ່ວມລາຍການ.
ໂດຍ: ກວຽດເຕິມ