ວັນ Yoga ສາກົນຄັ້ງທີ 8 ຈະຈັດຂຶ້ນຢູ່ 23 ແຂວງ, ນະຄອນ
ກປ.ອອນໄລ - ສະຖານທູດອິນເດຍ ແລະສະຖານກົງສູນໃຫຍ່ອິນເດຍ ຈະສົມທົບກັບບັນດາແຂວງ, ນະຄອນຂອງຫວຽດນາມ ເພື່ອສະເຫຼີມສະຫຼອງວັນ Yoga ສາກົນ ຄັ້ງທີ 8 ປີ 2022 “Yoga ເພື່ອມວນມະນຸດ”.
ທີ່ກອງປະຊຸມຂ່າວໃນວັນທີ 13 ມິຖຸນາ, ສະຖານທູດອິນເດຍ ປະຈຳ ຫວຽດນາມ ໃຫ້ຮູ້ວ່າ ຈະຈັດຕັ້ງວັນ Yoga ສາກົນຄັ້ງທີ 8 ຢູ່ 23 ແຂວງ, ນະຄອນຂອງຫວຽດນາມ ໂດຍໄວ, ໃນນັ້ນມີ: ຮ່າໂນ້ຍ ແລະນະຄອນ ໂຮ່ຈີມິນ, ດ່ານັ້ງ, ຫວິງຟຸກ, ແທງຮວ໊າ, ກວາງນິງ, ລາວກາຍ, ເທື່ອທຽນເຫວ້, ກວ໋າງນາມ, ເກິ່ນເທີ, ແຄ໋ງຮວ່າ, ບິ່ງທ້ວນ, ນິງທ້ວນ, ດັກນົງ, ດົ່ງທາບ, ດັກລັກ, ຝູອຽນ, ຕ່ຽນຢາງ, ຊອກຈັງ, ບ່າເຣ້ຍ-ຫວູງເຕົ່າ, ດົ່ງນາຍ, ບິ່ງດິ້ງ ແລະອານຢາງ.
ໂດຍຮັບຮູ້ຜົນປະໂຫຍດ ແລະການເຜີຍແຜ່ຂອງ Yoga, ໃນເດືອນທັນວາ 2014, ສະມັດຊາໃຫຍ່ສະຫະປະຊາຊາດໄດ້ຖະແຫຼງເອົາວັນທີ 21 ມິຖຸນາ ຂອງທຸກໆປີ ເປັນວັນ Yoga ສາກົນ.
ໂດຍ: ທະນາພອນ