ຫຼາຍກິດຈະກໍາເຄື່ອນໄຫວໃນ “ສັບປະດາທ່ອງທ່ຽວຮ້າລອງ-ກວ໋າງນິງ” ປີ 2022
ກປ.ອອນໄລ - ວັນທີ 12 ເມສາ, ແຂວງກວ໋າງນິງ ໄດ້ຈັດກອງປະຊຸມຂ່າວປະກາດບັນດາກິດຈະກໍາເຄື່ອນໄຫວ “ສັບປະດາທ່ອງທ່ຽວຮ້າລອງ-ກວ໋າງນິງ” ໃນໂອກາດວັນບຸນ 30 ເມສາ ແລະ ວັນທີ 1 ພຶດສະພາ 2022, ດ້ວຍບັນດາເຫດການຊຸກຍູ້ການທ່ອງທ່ຽວຜ່ານຫຼາຍລາຍການທ່ອງທ່ຽວ, ຜະລິດຕະພັນການທ່ອງທ່ຽວໃໝ່, ຈັບອົກຈັບໃຈ.
ຕາມນັ້ນແລ້ວ, ໃນ 5 ວັນ (ແຕ່ວັນທີ 28 ເມສາ-ວັນທີ 1 ພຶດສະພາ), ຢູ່ ກວ໋າງນິງ ຈະດຳເນີນ 9 ເຫດການ, ກິດຈະກໍາວັດທະນະທຳ, ກິລາ ແລະທ່ອງທ່ຽວ. ຈຸດພົ້ນເດັ່ນແມ່ນລາຍການ Carnaval ຮ້າລອງ 2022 ດ້ວຍຫົວຂໍ້ “ຮ້າລອງ - ສິ່ງມະຫັດສະຈັນພົ້ນເດັ່ນພ້ອມກັບຊີເກມ 31” ຈະດຳເນີນໃນວັນທີ 29 ເມສາ ຢູ່ຫາດຊາຍທະເລສວນສາທາລະນະມະຫາສະໝຸດ, ນະຄອນຮ້າລອງ; ປິດລາຍການແມ່ນການຍິງບັ້ງໄຟດອກສິລະປະ. ເນື່ອງໃນໂອກາດນີ້, ນະຄອນຮ້າລອງ ໄດ້ເປີດບໍລິການກໍາປັ່ນທ່ອງທ່ຽວຍາມກາງຄືນດ້ວຍກໍາປັ່ນ 30 ລໍາ ກາຍເປັນຮ້ານອາຫານເຄື່ອນທີ່ຢູ່ເຂດທ່າກຳປັ່ນທ່ອງທ່ຽວຮ່ອນກາຍ; ງານບຸນປ່ອຍວ່າວ; ລາຍການຟ້ອນລວມໝູ່...
ໂດຍ: ທະນາພອນ