ນະຄອນໂຮ່ຈີມິນ ຜັນຂະຫຍາຍຫຼາຍໜ້າທີ່, ມາດຕະການຈຸດສຸມຂອງຂະແໜງທ່ອງທ່ຽວ
ກປ.ອອນໄລ - ວັນທີ 24 ມັງກອນ, ຄະນະກໍາມະການປະຊາຊົນນະຄອນ ໂຮ່ຈີມິນ ໄດ້ຈັດກອງປະຊຸມຜັນຂະຫຍາຍໜ້າທີ່ຈຸດສຸມຂອງຂະແໜງທ່ອງທ່ຽວປີ 2022. ຂະແໜງການທ່ອງທ່ຽວນະຄອນ ຈະຜັນຂະຫຍາຍຫຼາຍໜ້າທີ່, ມາດຕະການຈຸດສຸມ, ໂດຍສຸມໃສ່ຍຸດທະສາດພັດທະນາການທ່ອງທ່ຽວນະຄອນ ຮອດປີ 2030, ແຜນການຟື້ນຟູຂະແໜງທ່ອງທ່ຽວ.
|
|
ພະແນກທ່ອງທ່ຽວນະຄອນໂຮ່ຈີມິນ ຮັບທຸງແຂ່ງຂັນຂອງກະຊວງວັດທະນະທໍາ, ກິລາ ແລະທ່ອງທ່ຽວໃຫ້ຫົວໜ່ວຍນໍາໜ້າໃນການແຂ່ງຂັນປີ 2021. ພາບ: Qdnd.vn. |
ຂະແໜງທ່ອງທ່ຽວສືບຕໍ່ຊຸກຍູ້ວຽກງານໜູນຊ່ວຍວິສາຫະກິດແກ້ໄຂຄວາມຫຍຸ້ງຍາກພາຍຫຼັງໂລກລະບາດ, ພັດທະນາຜະລິດຕະພັນທ່ອງທ່ຽວຕາມທິດຫຼາຍຮູບຫຼາຍແບບ, ຍູ້ແຮງການຮ່ວມສຳພັນ, ຮ່ວມມືພັດທະນາການທ່ອງທ່ຽວ, ສ້າງຄຸນຄ່າຜະລິດຕະພັນລະຫວ່າງເຂດ. ຄຽງຂ້າງກັນນັ້ນ, ສືບຕໍ່ຍູ້ແຮງການໝູນໃຊ້ເຕັກໂນໂລຢີເຂົ້າໃນການໂຄສະນາທາງອອນລາຍ, ສ້າງເຄື່ອງໝາຍການຄ້າ ແລະໂຄສະນາກ່ຽວກັບສະຖານທີ່ທ່ອງທ່ຽວຂອງນະຄອນ, ຍູ້ແຮງການຫັນເປັນສັງຄົມ, ລະດົມທຸກແຫຼ່ງກໍາລັງເພື່ອລົງທຶນພັດທະນາການທ່ອງທ່ຽວ... ຂະແໜງທ່ອງທ່ຽວນະຄອນໂຮ່ຈີມິນ ໄດ້ກໍານົດໜ້າທີ່ຈຸດສຸມໃນປີ 2022 ວ່າ ຕ້ອງສຸມໃສ່ຮັບປະກັນຄວາມຕ້ອງການຕ້ອນຮັບແຂກທ່ອງທ່ຽວສາກົນ ແລະປະຕິບັດມາດຕະການປ້ອງກັນ, ຕ້ານພະຍາດໂຄວິດ-19 ຢ່າງເດັດຂາດ.
ໂດຍ: ໄຊນີດາ