ງານວາງສະແດງຮູບພາບ “ປະເທດຊາດ ກ້າວເຂົ້າສູ່ລະດູບານໃໝ່”
ກປ.ອອນໄລ - ເນື່ອງໃນໂອກາດບຸນປີໃໝ່ປະຈໍາຊາດປີຂານ 2022 ແລະຂໍ່ານັບຮັບຕ້ອນ 92 ປີແຫ່ງວັນສ້າງຕັ້ງພັກກອມມູນິດຫວຽດນາມ (3/2/1930 - 3/2/2022), ແຕ່ວັນທີ 26 ມັງກອນ ຫາວັນທີ 30 ມີນາ, ທີ່ສູນວາງສະແດງວັດທະນະທໍາສິລະປະຫວຽດນາມ (ເຮືອນເລກທີ 2, ຮວາລື, ຮ່າໂນ້ຍ) ໄດ້ດໍາເນີນງານວາງສະແດງຮູບພາບ “ປະເທດຊາດກ້າວເຂົ້າສູ່ລະດູບານໃໝ່”.
ງານວາງສະແດງລວມມີສອງເນື້ອໃນດ້ວຍສອງຫົວຂໍ້ຫຼັກ ນັ້ນແມ່ນ “ມອບລະດູບານໃໝ່ໃຫ້ພັກ” ແລະ“ສີສັນລະດູບານໃໝ່ຢູ່ທຸກຫົນແຫ່ງຂອງປະເທດຊາດ”. ງານວາງສະແດງດ້ວຍຫົວຂໍ້ “ມອບລະດູບານໃໝ່ໃຫ້ພັກ” ໄດ້ວາງສະແດງຮູບພາບ 40 ແຜ່ນທີ່ສະແດງໃຫ້ເຫັນຄວາມເອົາໃຈໃສ່ຂອງປະທານໂຮ່ຈີມິນ ແລະການນໍາພັກ, ລັດທີ່ມີຕໍ່ປະຊາຊົນທົ່ວປະເທດເນື່ອງໃນໂອກາດບຸນປີໃໝ່ວຽນມາ, ລະດູບານໃໝ່ວຽນມາ.
|
|
ຮູບພາບປະທານໂຮ່ຈີມິນ ໃນການໄປຢ້ຽມຢາມ ແລະອວຍພອນບຸນປີໃໝ່ປະຊາຊົນ. ພາບ: ຄະນະຈັດຕັ້ງ. |
ງານວາງສະແດງຮູບພາບດ້ວຍຫົວຂໍ້ “ສີສັນລະດູບານໃໝ່ຢູ່ທຸກຫົນແຫ່ງຂອງປະເທດຊາດ” ໄດ້ວາງສະແດງຮູບພາບກວ່າ 100 ແຜ່ນ ທີ່ສະແດງໃຫ້ເຫັນຮູບພາບລະດູບານໃໝ່ທີ່ສົດໃສ, ປະຊາຊົນຢູ່ທຸກຫົນແຫ່ງໃນທົ່ວປະເທດຕ້ອນຮັບປີໃໝ່ດ້ວຍຄວາມເບີກບານມ່ວນຊື່ນ ພ້ອມດ້ວຍຮູບພາບຊາວຫວຽດນາມ ອາໄສຢູ່ຕ່າງປະເທດຕ້ອນຮັບບຸນປີໃໝ່ປະຈໍາຊາດຢູ່ຕ່າງປະເທດ.
ງານວາງສະແດງໄດ້ຈັດຢູ່ສູນວາງສະແດງວັດທະນະທໍາສິລະປະຫວຽດນາມ (ເຮືອນເລກທີ 2, ຖະໜົນຮວາລື, ຮ່າໂນ້ຍ) ແລະໄດ້ຈັດທາງອອນລາຍຢູ່ເວັບໄຊ: http://trienlamvhnt.vn.
ໂດຍ: ເກື່ອງດັ້ງ