ລາຍການ “ຄໍາສາບານເອກະລາດ” ຂໍ່ານັບຮັບຕ້ອນວັນຊາດທີ 2 ກັນຍາ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງວັນຊາດແຫ່ງ ສສ ຫວຽດນາມ ຄົບຮອບ 75 ປີ, ຄະນະໂຄສະນາສຶກສາສູນກາງພັກ, ໂທລະພາບແຫ່ງຊາດຫວຽດນາມ ຈັດຕັ້ງລາຍການພິເສດ “ຄໍາສາບານເອກະລາດ” ໃນເວລາ 20:00 ໂມງຂອງວັນທີ 2 ກັນຍາ 2020 ເຊິ່ງໄດ້ຖ່າຍທອດສົດຜ່ານຊ່ອງ VTV1.
    |
 |
|
ລາຍການ “ຄໍາສາບານເອກະລາດ” ຂໍ່ານັບຮັບຕ້ອນວັນຊາດທີ 2 ກັນຍາ. ພາບ: congluan.vn. |
ລາຍການ “ຄໍາສາບານເອກະລາດ” ລວມມີ 3 ພາກ ເຊິ່ງຈະວາດພາບຄືນ 3 ໄລຍະປະຫວັດສາດຂອງຫວຽດນາມ, ສະແດງໃຫ້ເຫັນຜ່ານສາກສະແດງລະຄອນ, ການສະແດງສິລະປະສົມທົບກັບສາລະຄະດີເອກະສານ ແລະເລື່ອງລາວຂອງພະຍານຫຼັກຖານປະຫວັດສາດ. ພາກທີ 1 - “ຄໍ່າຄືນທີ່ມືດມົວ” ວາດພາບຄືນສະພາບການຂອງຫວຽດນາມ ໃນຊຸມປີທ້າຍສະຕະວັດທີ 19, ຕົ້ນສະຕະວັດທີ 20; ພາກທີ 2 - “ຄໍາສາບານເອກະລາດ” ແມ່ນເລື່ອງລາວໄປຊອກຫາເສັ້ນທາງກູ້ຊາດຂອງຜູ້ນໍາ ຫງວຽນອ໊າຍກ໊ວກ - ໂຮ່ຈີມິນ; ພາກທີ 3 - “ເສັ້ນທາງເອກະລາດ” ສະແດງໃຫ້ເຫັນນໍ້າໃຈ “ບໍ່ມີສິ່ງໃດປະເສີດເລີດລໍ້າກວ່າເອກະລາດ, ອິດສະຫຼະພາບ” ຂອງປະຊາຊົນຫວຽດນາມ, ວາດພາບຄືນຮູບພາບຊາວຫວຽດນາມຮຸ່ນຕ່າງໆເດີນທາງອອກສູ່ສະໜາມຮົບ, ກໍາປືນສູ້ຮົບເພື່ອປົກປັກຮັກສາພື້ນຖານເອກະລາດຂອງປະເທດຊາດ. ລາຍການມີການເຂົ້າຮ່ວມຂອງນັກສິລະປິນປະຊາຊົນ ກວາງທໍ້, ນັກສິລະປິນປະຊາຊົນ ຕ້າມິງເຕິມ, ບັນດານັກຮ້ອງ: ຫວູ້ຖັ໊ງເລີ້ຍ, ລານແອັງ, ຟ້າມທູຮ່າ...
ໂດຍ: ໄຊຊະນະ