ຄັດເລືອກ 10 ເຫດການວັດທະນະທໍາ, ກິລາ ແລະທ່ອງທ່ຽວທີ່ພົ້ນເດັ່ນປີ 2019
ກປ.ອອນໄລ - ວັນທີ 3 ມັງກອນ, ທີ່ຮ່າໂນ້ຍ, ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ໄດ້ຈັດກອງປະຊຸມຂ່າວປະຈໍາໄຕມາດທີ IV ແລະຄັດເລືອກ 10 ເຫດການວັດທະນະທໍາ, ກິລາ ແລະທ່ອງທ່ຽວທີ່ພົ້ນເດັ່ນປີ 2019. ຕາມນັ້ນແລ້ວ, ຂົງເຂດກິລາ, ທ່ອງທ່ຽວມີຜົນງານສໍາຄັນຫຼາຍຢ່າງ.
ໃນປີ 2019, ວຽກງານອະນຸລັກຮັກສາ, ເສີມຂະຫຍາຍມໍລະດົກວັດທະນະທໍາບັນລຸໄດ້ໝາກຜົນສໍາຄັນ; ລະບອບລະບຽບການ, ນະໂຍບາຍໃນຂົງເຂດມໍລະດົກວັດທະນະທໍາ ສືບຕໍ່ໄດ້ຮັບການປັບປຸງໃຫ້ສົມບູນແບບ, ສ້າງກອບນິຕິກໍາອັນໜັກແໜ້ນ, ຍົກສູງປະສິດທິຜົນໃນການຄຸ້ມຄອງລັດກ່ຽວກັບຂົງເຂດມໍລະດົກວັດທະນະທໍາ. ມໍລະດົກການປະຕິບັດພິທີກຳແທນຂອງຊາວເຜົ່າໄຕ, ນຸ່ງ, ໄທ ຢູ່ຫວຽດນາມ ໄດ້ຮັບການຮັບຮອງເປັນມໍລະດົກວັດທະນະທໍານາມມະທໍາທີ່ເປັນຕົວແທນຂອງມວນມະນຸດຈາກຢູແນສໂກ ຢ່າງເປັນທາງການ...
|
|
ຕາງໜ້າບັນດາອົງການສື່ມວນຊົນ ປ່ອນບັດຄັດເລືອກ 10 ເຫດການວັດທະນະທໍາ, ກິລາ ແລະທ່ອງທ່ຽວທີ່ພົ້ນເດັ່ນໃນປີ 2019. ພາບ: ບ້າວທວາ. |
ໃນຂົງເຂດກິລາ, ຫວຽດນາມ ບັນລຸໄດ້ບັນດາຜົນງານພົ້ນເດັ່ນໃນເວທີສາກົນ. ຄະນະນັກກິລາຫວຽດນາມແຂ່ງຂັນຢ່າງດີເດັ່ນ ແລະຢືນອັນດັບທີ 2 ຢູ່ ຊີເກມຄັ້ງທີ 30. ດ້ວຍຈິດໃຈສາມັກຄີ, ທີມບານເຕະຊາຍ U.22 ຫວຽດນາມ ໄດ້ແຂ່ງຂັນຢ່າງພິລະອາດຫານ ແລະຍາດໄດ້ຫຼຽນຄໍາຊີເກມຄັ້ງທໍາອິດໃນປະຫວັດສາດ...
ປີ 2019, ແຂກທ່ອງທ່ຽວສາກົນມາທ່ຽວຢູ່ຫວຽດນາມ ບັນລຸກວ່າ 18 ລ້ານເທື່ອຄົນ. ຫວຽດນາມ ໄດ້ຮັບການຄັດເລືອກເປັນສະຖານທີ່ທ່ອງທ່ຽວແຖວໜ້າອາຊີ ໃນສອງປີຕິດຕໍ່ກັນ; ເປັນສະຖານທີ່ວັດທະນະທໍາແຖວໜ້າອາຊີ... ປີ 2019 ຂະແໜງທ່ອງທ່ຽວຫວຽດນາມ ຍາດໄດ້ລາງວັນສາກົນຫຼາຍລາງວັນ. ບໍ່ພຽງແຕ່ໄດ້ຮັບຮູ້ຢູ່ພາກພື້ອາຊີເທົ່ານັ້ນ ເຊິ່ງຮູບພາບຫວຽດນາມໄດ້ສ້າງຂີດໝາຍຢ່າງຈະແຈ້ງຢູ່ໃນແຜນທີ່ທ່ອງທ່ຽວສາກົນອີກດ້ວຍ...
ໂດຍ: ໄຊຊະນະ