ຈັດຕັ້ງງານບຸນ ເຕັດຫວຽດນາມ ຄັ້ງທໍາອິດຢູ່ນະຄອນໂຮ່ຈີມິນ ຢ່າງຟົດຟື້ນ
ກປ.ອອນໄລ - ຕອນຄໍ່າວັນທີ 3 ມັງກອນ, ພະແນກທ່ອງທ່ຽວນະຄອນໂຮ່ຈີມິນ ໄດ້ສົມທົບກັບສະຫະສະມາຄົມວັດທະນະທໍາອາຫານການກິນຫວຽດນາມ ຈັດຕັ້ງງານບຸນເຕັດຫວຽດນາມ ຄັ້ງທໍາອິດປີ 2020 ດ້ວຍຫົວຂໍ້ “Tet Festival - ສີສັນວັດທະນະທໍາຫວຽດນາມ 2020”.
    |
 |
|
ບັນດາຜູ້ແທນຢ້ຽມຊົມການວາງສະແດງພາເຂົ້າໃນວັນບຸນເຕັດຢູ່ທີ່ງານບຸນ. ພາບ: ຮຸ່ງຄວາ. |
ເຂົ້າຮ່ວມພິທີໄຂມີສະຫາຍ ຫງວຽນທ້ຽນເຍິນ, ກໍາມະການກົມການເມືອງ, ເລຂາພັກນະຄອນໂຮ່ຈີມິນ. ງານບຸນເຕັດຫວຽດນາມ ປີ 2020 ໄດ້ຈັດ 5 ກິດຈະກໍາຫຼັກຄື: ເບິ່ງບຸນເຕັດ, ບຸນເຕັດ, ຫຼິ້ນບຸນເຕັດ, ຕະຫຼາດບຸນເຕັດ ແລະກິນເຕັດ. ງານບຸນເຕັດ ໄດ້ແນະນໍາບັນດາຮີດຄອງປະເພນີ, ເລື່ອງເລົ່າລືກັນກ່ຽວກັບວັນບຸນເຕັດປະຈໍາຊາດຂອງປະເທດຫວຽດນາມ ໃຫ້ປະຊາຊົນ, ແຂກທ່ອງທ່ຽວທັງຢູ່ພາຍໃນ ແລະຕ່າງປະເທດ ໂດຍຜ່ານບັນດາກິດຈະກໍາຄື: ງານວາງສະແດງ, ຫັນເປັນເວທີສະແດງ, ບັນດາເຍື່ອງອາຫານທີ່ເປັນເອກະລັກສະເພາະຂອງສາມພາກ, ການລະຫຼິ້ນໃນວັນບຸນເຕັດ... ງານບຸນ ຈະດໍາເນີນໄປຮອດວັນທີ 5 ມັງກອນ 2020 ຢູ່ສວນສາທາລະນະ ເລວັນຕ໊າມ, ເມືອງ 1, ນະຄອນໂຮ່ຈີ ມິນ.
ໂດຍ: ໄຊຊະນະ