ໄຂງານ Festival ທະເລຍາຈາງ-ແຄ໊ງຮ່ວາ
ກປ.ອອນໄລ - ຕອນຄໍ່າວັນທີ 11 ພຶດສະພາ, ຢູ່ສະໜາມຫຼວງ 2-4 (ນະຄອນຍາຈາງ, ແຂວງແຄ໊ງຮ່ວາ) ໄດ້ດໍາເນີນພິທີໄຂປີທ່ອງທ່ຽວແຫ່ງຊາດ 2019 ແລະງານ Festival ທະເລຍາຈາງ-ແຄ໊ງຮ່ວາ ດ້ວຍຫົວຂໍ້ “ສີສັນຂອງທະເລ”.
ເຂົ້າຮ່ວມພິທີດັ່ງກ່າວມີທ່ານ ຫວູດຶກດາມ ຮອງນາຍົກລັດຖະມົນຕີຫວຽດນາມ ພ້ອມກັບຜູ້ຕາງໜ້າບັນດາຄະນະ, ກະຊວງ, ຂະແໜງການຂັ້ນສູນກາງ ແລະທ້ອງຖິ່ນ; ຜູ້ຕາງໜ້າບັນດາຄະນະທຸຕານຸທູດ, ເອກອັກຄະລັດຖະທູດ ແລະປະຊາຊົນ, ນັກທ່ອງທ່ຽວພາຍໃນ ແລະຕ່າງປະເທດຫຼາຍພັນຄົນ.
|
|
ລາຍການສະແດງສິລະປະໃນພິທີໄຂ. ພາບ: qdnd.vn. |
ລາຍການສະແດງສິລະປະໃນຄໍ່າຄືນໄຂປີທ່ອງທ່ຽວແຫ່ງຊາດ 2019 ແລະງານ Festival ທະເລຍາຈາງ-ແຄ໊ງຮ່ວາ ລວມມີ 2 ພາກສ່ວນ: “ແຄ໊ງຮ່ວາ-ແຫ່ງເຕົ້າໂຮມສິ່ງຍອດຍິ່ງ” ແລະ “ຍາຈາງ-ສີສັນຂອງທະເລ”, ດ້ວຍການເຂົ້າຮ່ວມຂອງນັກຮ້ອງ, ນັກສະແດງ, ນາງແບບທີ່ມາຈາກຮ່າໂນ້ຍ, ນະຄອນໂຮ່ຈີມິນ, ແຄ໊ງຮ່ວາ… ປະມານ 1.400 ຄົນ.
ປີທ່ອງທ່ຽວແຫ່ງຊາດ 2019 ໂດຍແຂວງແຄ໊ງຮ່ວາ ເປັນເຈົ້າພາບຈັດຕັ້ງຈະມີເກືອບ 100 ການເຄື່ອນໄຫວ, ເຫດການວັດທະນະທໍາ, ກິລາ ແລະທ່ອງທ່ຽວດໍາເນີນໃນຕະຫຼອດປີ 2019.
ໂດຍ: ຈາງຫງວຽນ