ແຂກທ່ອງທ່ຽວເຂົ້າສຸສານໄຫວ້ອາໄລປະທານໂຮ່ຈີມິນ ກວ່າ 45.000 ເທື່ອຄົນ
ກປ.ອອນໄລ - ເນື່ອງໃນໂອກາດສະເຫຼີີມສະຫຼອງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄົບຮອບ 44 ປີ (ວັນທີ 30 ເມສາ) ແລະວັນກຳມະກອນສາກົນຄົບຮອບ 133 ປີ (ວັນທີ 1 ພຶດສະພາ), ພໍ່ແມ່ປະຊາຊົນໃນທົ່ວປະເທດ ແລະແຂກທ່ອງທ່ຽວຫຼາຍໝື່ນຄົນໄດ້ມາວາງພວງມາລາ ແລະເຂົ້າສຸສານໄຫວ້ອາໄລປະທານໂຮ່ຈີມິນ - ຜູ້ນໍາທີ່ປີຊາສາມາດຂອງພັກ ແລະປະຊາຊົນຫວຽດນາມ, ວິລະຊົນປົດປ່ອຍຊາດ, ນັກວັດທະນະທຳຜູ້ມີຊື່ສຽງ, ຜູ້ທີ່ໄດ້ອຸທິດຕະຫຼອດຊີວິດຂອງຕົນ ເພື່ອເອກະລາດຂອງຊາດ, ຄວາມຜາສຸກຂອງປະຊາຊົນ.
ຍ້ອນປະຕິບັດວຽກງານກະກຽມ, ສົມທົບກັນລະຫວ່າງກໍາລັງຕ່າງໆເປັນຢ່າງດີ. ສະນັ້ນ, ເນື່ອງໃນໂອກາດວັນພັກວັນທີ 30 ເມສາ ແລະວັນທີ 1 ພຶດສະພາ, ກອງບັນຊາການປ້ອງກັນສຸສານປະທານໂຮ່ຈີມິນ ໄດ້ຕ້ອນຮັບ, ຮັບໃຊ້ແຂກທ່ອງທ່ຽວເຂົ້າໄຫວ້ອາໄລປະທານໂຮ່ຈີມິນ 45.615 ເທື່ອຄົນ, ໃນນັ້ນມີແຂກທ່ອງທ່ຽວຕ່າງປະເທດ 4.658 ເທື່ອຄົນຢ່າງຮອບຄອບຖີ່ຖ້ວນ, ປອດໄພ.
|
|
ແຂກທ່ອງທ່ຽວເຂົ້າສຸສານໄຫວ້ອາໄລປະທານໂຮ່ຈີມິນ ເນື່ອງໃນໂອກາດວັນທີ 30 ເມສາ ແລະວັນທີ 1 ພຶດສະພາ. ພາບ: vtv.vn. |
ເພື່ອໃຫ້ການຕ້ອນຮັບພໍ່ແມ່ປະຊາຊົນ, ແຂກທ່ອງທ່ຽວຕ່າງປະເທດໄດ້ຢ່າງເອື້ອເຟື້ອ, ສົມກຽດ, ສີວິໄລ, ສຸພາບ, ຮັບປະກັນຄວາມປອດໄພຢ່າງເດັດຂາດ, ກອງບັນຊາການປ້ອງກັນສຸສານປະທານໂຮ່ຈີມິນ ໄດ້ສົມທົບກັບບັນດາອົງການທີ່ກ່ຽວຂ້ອງຢ່າງແໜ້ນແຟ້ນ ຈັດຕັ້ງການປະດັບປະດາທັດສະນີຍະພາບ, ສະຖານທີ່ຢ່າງສະອາດ, ສວຍງາມ, ພ້ອມທັງຜັນຂະຫຍາຍບັນດາວິທີການປົກປັກຮັກສາ, ດັດປັບການຄົມມະນາຄົມ ແລະຂະບວນຄົນເຂົ້າສຸສານໃຫ້ສອດຄ່ອງ, ສະນັ້ນບໍ່ເກີດສະພາບຕິດຂັດໃນເຂດ. ພິເສດແມ່ນໃນສອງວັນທີ 30 ເມສາ ແລະວັນທີ 1 ພຶດສະພາ, ກົມກອງໄດ້ຈັດຕັ້ງການແຈກນໍ້າດື່ມ ແລະເຂົ້າຈີ່ໂດຍບໍ່ເສຍຄ່າໃຫ້ແກ່ແຂກທ່ອງທ່ຽວເມື່ອມາໄຫວ້ອາໄລປະທານ ໂຮ່ຈີມິນ.
ໂດຍ: ເກື່ອງດັ້ງ