ອຽກລັງ ຈະສ້າງບຸກທະລຸໃນຂະແໜງເນີຍ ແລະນໍ້ານົມຢູ່ຫວຽດນາມ
ກປ.ອອນໄລ - ທີ່ກອງປະຊຸມສໍາມະນາການຄ້າ, ພັດທະນາຜະລິດຕະພັນນໍ້ານົມເອີລົບ ຈາກອຽກລັງ ໂດຍຄະນະກໍາມະການທັນຍາຫານອຽກລັງ ຈັດຕັ້ງໃນວັນທີ 6 ກັນຍາ ຢູ່ຮ່າໂນ້ຍ, ທ່ານ Martin Heydon T.D., ລັດຖະມົນຕີກະຊວງກະສິກໍາ, ທັນຍາຫານ ແລະການເດີນທະເລອຽກລັງ ໃຫ້ຮູ້ວ່າ ອຽກລັງ ຈະສະໜອງບັນດາຜະລິດຕະພັນຈາກນໍ້ານົມທີ່ມີຄຸນນະພາບສູງໃຫ້ແກ່ຕະຫຼາດຫວຽດນາມ, ສ້າງບຸກທະລຸໃນຂະແໜງເນີຍ ແລະນໍ້ານົມ.
ທ່ານ ຫງວຽນໂດ້ແອັງຕວ໊ນ, ຫົວໜ້າກົມຮ່ວມມືສາກົນ, ກະຊວງກະສິກໍາ ແລະພັດທະນາຊົນນະບົດຫວຽດນາມ ໃຫ້ຮູ້ວ່າ ຫວຽດນາມ ແມ່ນປະເທດທີ່ມີພື້ນຖານກະສິກໍາພັດທະນາດີພໍສົມຄວນ, ມູນຄ່າສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳເພີ່ມຂຶ້ນສູງຢ່າງລຽນຕິດ. ຫວຽດນາມ ມີທ່າແຮງດ້ວຍຜະລິດຕະພັນ, ຄື: ເຂົ້າສານ, ກາເຟ, ຢາງພາລາ, ໝາກມ່ວງຫິມະພານ, ໝາກພິກໄທ, ຊາ, ໝາກໄມ້...
|
|
ບັນຍາກາດທີ່ກອງປະຊຸມສໍາມະນາ. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນໂດ້ແອັງຕວ໊ນ ກໍ່ສະແດງຄວາມປາດຖະໜາວ່າ ບັນດາຄູ່ຮ່ວມມືຂອງອຽກລັງ ເພີ່ມທະວີການຮ່ວມມືກັບຫວຽດນາມ ໃນການຍົກສູງຄວາມສາມາດຄຸ້ມຄອງ, ບໍາລຸງສ້າງ, ແບ່ງປັນບົດຮຽນໃນການພັດທະນາກະສິກໍາສີຂຽວ, ກະສິກໍາວົງຈອນ, ການປ່ອຍກາກບອນຢູ່ລະດັບຕໍ່າ, ສ້າງລະບົບຄຸ້ມຄອງທັນຍາຫານທີ່ປອດໄພ, ມີຄວາມສາມາດຊອກຫາຕົ້ນກຳເນີດ, ພັດທະນາການລ້ຽງສັດ, ໃນນັ້ນມີງົວນົມ, ການຫັນປ່ຽນດີຈີຕອນ, ການຮັບມືກັບການປ່ຽນແປງຂອງດິນຟ້າອາກາດ.
ໂດຍ: ທູຈາງ