ວິສາຫະກິດໄທ ເຊື່ອມຕໍ່ກັບ 6 ແຂວງ, ນະຄອນພາຍໃນປະເທດ
ກປ.ອອນໄລ - ໃນລະຫວ່າງວັນທີ 3-11 ກໍລະກົດ, ຄະນະກໍາມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໄດ້ສົມທົບກັບສະຖານທູດຫວຽດນາມ ປະຈຳ ໄທ ຈັດຕັ້ງລາຍການ “ເຊື່ອມຕໍ່ນັກທຸລະກິດໄທ ກັບທ້ອງຖິ່ນ” ຢູ່ 6 ແຂວງ, ນະຄອນ, ລວມມີ: ດ່ານັ້ງ, ກວ໋າງນາມ, ກຽນຢາງ (ຝູກ໊ວກ), ນະຄອນໂຮ່ຈີມິນ, ບັກຢາງ ແລະຮ່າໂນ້ຍ. ຈຸດພົ້ນເດັ່ນຂອງລາຍການແມ່ນ “ເວທີປາໄສເຊື່ອມຕໍ່ຊາວໄທ ກັບທ້ອງຖິ່ນ” ຢູ່ 6 ແຂວງ, ນະຄອນດັ່ງກ່າວ.
    |
 |
|
ບັນຍາກາດທີ່ເວທີປາໄສເຊື່ອມຕໍ່ວິສາຫະກິດໄທ-ກຽນຢາງ. ພາບ: qdnd.vn. |
ທີ່ເວທີປາໄສ, ທ່ານ ຟານຈີ໊ແທັ່ງ ເອກອັກຄະລັດຖະທູດຫວຽດນາມ ປະຈໍາ ໄທ ໃຫ້ຮູ້ວ່າ ປະຈຸບັນວິສາຫະກິດຊາວຫວຽດນາມ ອາໄສຢູ່ໄທ ປະມານ 1.000 ແຫ່ງ, ໂດຍສະເພາະແມ່ນວິສາຫະກິດຂະໜາດນ້ອຍ ແລະກາງ; ໃນນັ້ນ, ມີວິສາຫະກິດປະສົບຜົນສຳເລັດທີ່ສຸດ, ເຄື່ອນໄຫວໃນຫຼາຍຂົງເຂດ, ຄື: ອຸດສາຫະກຳ, ກະສິກຳ, ປຸງແຕ່ງສະບຽງອາຫານ, ການສົ່ງອອກ, ນໍາເຂົ້າ, ແຈກຢາຍສິນຄ້າ...
ເພື່ອຍູ້ແຮງການສົ່ງອອກຂອງຫວຽດນາມ ໄປຍັງ ໄທ, ທ່ານ ໂຮ່ວັນເລິມ ປະທານສະມາຄົມວິສາຫະກິດໄທ-ຫວຽດນາມ ຖືວ່າ ຄວນສືບຕໍ່ເຮັດວຽກກັບໄທ ເພື່ອຫຼຸດຜ່ອນຮົ້ວກີດຂວາງດ້ານເຕັກນິກໃນການສົ່ງອອກສິນຄ້າຈາກຫວຽດນາມ ໄປຍັງໄທ; ເພີ່ມທະວີການເຊື່ອມຕໍ່ການຄົມມະນາຄົມທາງບົກ, ທາງທະເລ ແລະທາງອາກາດລະຫວ່າງຫວຽດນາມ ແລະໄທ, ໂດຍສະເພາະແມ່ນຢູ່ພາກຕາເວັນອອກສ່ຽງເໜືອຂອງໄທ; ຍູ້ແຮງການເຈລະຈາເພື່ອໃຫ້ໄທ ຮັບຮູ້ມາດຕະຖານຂອງສິນຄ້າຫວຽດນາມ; ເພີ່ມທະວີການໂຄສະນາ ແລະການຄົ້ນຄວ້າຕະຫຼາດ, ເອົາໃຈໃສ່ເປັນພິເສດເຖິງການຫຸ້ມຫໍ່ ແລະມາດຕະຖານຄວາມປອດໄພຂອງສະບຽງອາຫານ.
ໂດຍ: ເຈິ່ນຮວ່ຽນ